Föstudagsgrín og bland í gríni

Vinurinn var orðin 67 ára og þá eldri borgari og hættur að vinna. Nú ætlaði hann að láta gamlan draum rætast og keypti sér mótorhjól. Svo gekk hann í mótorhjólaklúbb og var sagt að þeir hittast einu sinni á mánuði og sagt staður og tími og bætt við að þeir kæmu þá með blómarósirnar sínar með sér. Blómarósir hvað meinaru spurði vinurinn. Jú, dömurnar okkar. Vinurinn fékk loksins konuna sína til að koma með sér og hitta félagana. Nú ég sé að þú komst með þína blómarós var sagt við hann. Ég get nú varlað sagt það sagði vinurinn en ég kem hérna með þurrskreytingu!!

Gleymska: Maður nokkur sem byggði hús fyrir 50 árum sagði svo frá: Ég gleymdi að setja kjallara undir húsið svo að ég setti hann bara ofan á það!!

Ungur mað var á fylliríi með vini sínum í Reykjavík og missti af vini sínum og ráfaði um götur og lenti síðan á bænasamkomu settist þar á bekk og sofnaði. Vaknar hann svo við það að maður klappar á öxlina á honum og segir: Hefur þú fundið Krist? Pilturinn sprettur upp með andfælum og svarar: Er hann nú týndur líka!!

Konan mín er alltaf að tala um fyrri eiginmann sinn. Það er nú ekkert. Konan mín er alltaf að tala um þann næsta!!

Hve lengi hefur þú verið ekkjumaður? Alveg frá því að konan mín dó!!

Á árshátíðum í Hafnarfirði eru yfirleitt tvær hljómsveitir. Önnur spilar eingöngu fyrir þá sem vilja dansa en hin spilar alls ekki neitt. Hún er fyrir fólk sem vill ekki dansa!

Að komum tvær vísur frá Hákoni Aðalsteinssyni:

Spurningunni um hvað karlmenn hafi fram yfir konur svarað:

Oft má glaðan öðling sjá

út í náttúrunni.

Hafa báðar hendur á

hengiplöntu sinni.

Hvað hafa konur fram yfir karlmenn:

Þetta flækist fyri mér

þó flest ég viti og þekki.

Þessari spurning þvælin er

þetta veit ég ekki.

 

 

Sýning í Listasafni Íslands

Núna stendur yfir í Listasafni Íslands yfirlistsýning á málverkum Kristjáns H. Magnússonar og stendur til 14 september. Samhliða þessari einstöku sýningu kom út yfirgripsmikil bók um ævi og verk Kristjáns í ritstjórn Einars Fals Ingólfssonar. Þakkar hann sérstaklega Rakel Olsen athafnakonu frá Stykkishólmi fyrir hennar framlag til þessara bókar. Eiginkona Kristjáns var Klara Helgadóttir sem var systir móður minnar. Þetta er sýning sem allir ættu að skoða og ég tala nú ekki um að kaupa þessa einstöku bók. 

Er ekki allt í lagi eða hvað?

Ég er í félagi eldri borgara og fékk "póst" frá þeim hvort ég væri til í að taka þátt í könnun um svefn? Jú, hugsaði ég og byrjaði að svara spurningum og svo kom að því að spurja mig um kyn. Hvort ég væri karlkyn, kvenkyn, kynsegin/annað kyn. Er ekki allt í lagi eða hvað? Ég vissi ekki að kynin væru orðin fleirri en tvö?

Föstudagsgrín og tveir 5aurar!

Bóndi nokkur átti sjö börn allt stelpur. Eina sem hann þráði var að eignast son. Svo varð konan hans enn og aftur ólétt. Bóndinn fór þá til prestins og sagði honum raunir sínar og bað prest hvort hann gæti nú ekki talað við "almættið" svo hann mundi nú eignast son. Prestur tók vel í þetta og lofaði að gera sitt besta. Löngu síðan hittir bóndi prest og spyr hvernig hafi gengið. Prestur segir að bóndinn þurfi ekkert að hafa áhyggjur, hann sé búinn að ganga frá þessu við "almættið". Kemur svo að bóndakonan fæðir barnið og viti menn: Aftur stúlka. Líður svo að það þurfi að skíra barnið. Og hvað á barnið að heita spyr prestur bóndann. Bóndinn horfir stíft í augu prestins og segir: HÚN á að heita: GUÐ-LAUG!

Stúlka tók leigubíl og bað hann að keyra sig á fæðingadeildina en bætti svo við: Þú þarft ekkert að flýta þér, ég bara vinn þar!

Önnur stúlka hafði áhyggjur að hún gæti ekki eignast barn og spurði lækni sinn hvað hún gæti gert? Læknirinn sagði henni að þetta gæti verið ættgengt!

 

Föstudagsgrín (þrjár stuttar)

Kaskótrygging.

Maður nokkur kom inn í Sjóvá og bað um tryggingu. Hann var spurður hvort hann vildi líftryggingu eða brunatryggingu? Hvort tveggja því ég er með staurfót!

Veiðiferð.

Sami maður fór í veiðiferð til Mývatns ásamt vini sínum. Sagði hann ásigkomulag vinarins væri ekki gott enda vinurinn verið mjög drukkinn og mýflugurnar hefðu fengið "delerium tremens" af því að stinga hann!

Hákon.

Hákon skógræktarstjóri frétti að ung stúlka sem hann kannaðist við hefði trúlofaði sig í áttunda sinn sagði hann að hún væri eins og tré. Einn hringur árlega!

Föstudagsgrín

Breskur "Lord" og MP maður kom degi of snemma heim til sín eftir mjög merkilega ferð erlendis. Og viti menn, hann fann konu sína upp í rúmi með ungum manni. Hann labbar að rúminu og segir við konu sína: Þar sem ég er þekktur og virtur maður vil ég ekkert hneyksli. Ég mun hafa samband við lögfræðing minn til að finna út hvernig ég get brugðist við þessu atferli þínu og bætti einhverju fleirru við. Þegar hann var svo á leiðinni út úr herberginu stoppaði hann og sagði við unga manninn: Og hvað þig varðar ungi maður þá hefðir þú nú alveg getað hægt á þér rétt á meðan ég var að tala!

Föstudagsgrín

Ung kona í Reykjavík átti von á fyrsta barni sínu. Hún spurði fæðingarlækninn hvort eiginmaður sinn mætti vera viðstaddur fæðinguna svo sem nú er alltítt. Já, ég er þeirra skoðunar svaraði læknirinn, að faðir barnsins eigi einnig að vera viðstaddur fæðingu þess. Það finnst mér nú ekki koma til greina, sagði þá stúlkan. Honum og mannininum mínum kemur ekki allt of vel saman. 

---------- Svo þessar vísur----------

Frjósemispillan Viagra

í landi elda og ísa

Er nánast hver kvenmaður skvísa

Sem áður var fimur 

Hann fæst ekki til þess að rísa. 

--

Fyrir fyrrum ungmennin gröðu

sem léku sér oft úti í hlöðu.

Nú komin er pilla

til aðstoðar Lilla 

að ná sér í upprétta stöðu.

--

Með auman og ónýtan tilla

sem með réttu má kalla Lilla 

Nú þarf ekki að bíða 

bara að fá sér að......

Hún er góð þessi dásemdar pilla.

---

Verð erlendis næstu tvo föstudaga sem kemur bara í ljós hvort ég haldi áfram:

Föstudagsgrín.

Fangavörðurinn á Litla Hrauni veitti því athygli, að fangi, sem nýlega var þangað kominn, hlustaði alltaf með athygli á Passíusálmana í útvarpinu, en það er venjulega haft opið öll kvöld. "Svo þér geðjast að Passíusálmunum" sagði fangavörðurinn. "Nei, alls ekki," svaraði maðurinn, "ég hélt þetta tilheyrði refsingunni."

Svo fann ég þennan: 

Um áttrætt virðist sjálfsagt að hafa hug á konum,

í hjartana er ylur og löngunin að vonum.

Þér finnst það skipta miklu hjá meyjunum að vera,

en manst þá stundum ekki hvað þú ætlaðir að gera.

 

Eftir þennan tíma er löngun best að leyna

og láta ekki glepjast þó konan vilji reyna.

Í átökunum getur sálin gengið öll úr lagi,

þú gætir orðið bráðkvaddur úr ellireiðarslagi.

Gömul grein sem ég sendi í Velvakanda 9. febrúar 2010. Hefur eitthvað breyst?

Rás 2 tímaskekkja?

Þegar Rás 2 var stofnað var það talið nauðsynlegt vegna þess að RÚV var bara eitt á markaðnum og talið var þörf á meiri fjölbreytni sérstaklega með tónlist (fyrir ungu kynslóðina.) Tel ég þá ákvörðun hafa verið rétta. Í dag er Rás 2 með morgun-og síðdegisútvarp. Þess á milli er Poppland og svo einstakir þættir á kvöldin. Nú höfum við einkastöðvar með morgun- og síðdegisútvarp og nóg af stöðvum með tónlist allan sólarhringinn. Til hvers þurfum við Rás 2 í dag? Ef það er fyrir starfsfólkið á stöðinni, þá endilega haldið Rás 2 áfram. Á sama tíma er verið að gagnrýna RÚV fyrir að taka auglýsingartekjur af einka stöðum. Eins og áður var sagt var Rás 2 talin nauðsynleg á sínum tíma vegna skorts á fjölbreytni. Sú fjölbreytni er til staðar í dag. Hvers vegna þarf þá Rás 2? Lokið Rás 2 og lækkið þannig nefskattinn en best væri að taka hann af. Ég tel að RÚV eigi að halda sig eingöngu við "gömlu góðu Gufuna" þ.e.a.s. Rás 1. En samt má hugsa sér að gera Rás 2 að íþróttarás og samtengja hana við Rás 1 þegar ekki er verið að útvarpa kappleikjum. Stjórnmálamenn tala um að það sé nauðsynlegt að vekja sem mestan áhuga á íþróttum því það sé ein besta leiðin til að fyrirbyggja óreglu meðal ungmenna. Best væri þó að RÚV hætti sjónvarpsrekstri og seldi tæki og tól og jafnvel húsnæði. "Ríkið" styrki íslenskt efni og ríkið sparaði milljónir, auk þess fengum engan nefskatt.

-------------

 

 

 

Föstudagsgrín.

Maður nokkur var í leigubíl og pikkaði í öxlina á leigubílstjóranum til þess að spyrja hann spurningar. Leigubílstjórinn öskraði upp yfir sig, missti stjórn á bílnum, var næstum búinn að keyra í veg fyrir strætó, fór upp á gangstétt og stoppaði örfáum sentimetrum frá búðarglugga. Í nokkrar sekúndur er allt hljótt í bílnum. Síðan segir bílstjórinn: Heyrðu félagi þetta skaltu aldrei gera aftur. Þú hræddir næstum úr mér líftóruna. Farþeganum var illa brugðið en sagði að lokum: Fyrirgefðu ég vissi ekki að smá pikk í öxlina myndi valda þessum viðbrögðum. Æ, fyrir gefðu sagði bílstjórinn. Þetta var nú reyndar ekki því sök. Í dag er fyrsti dagurinn hjá mér sem leigubílstjóri, ég er búinn að keyra líkbíl í 25 ár.