Frábær vel unnin störf

Konan mín veiktist heiftarlega fyrir hálfum mánuði síðan. Ég hringdi í 112 og sjúkrabíll kom stuttu seinna. Hún var flutt á bráðadeild og þaðan á gjörgæsludeild. Eftir nokkra daga þar var hún send á hjartadeild á LSH við Hringbraut. Á öllum þessum stöðum fékk hún frábæra aðstoð hjá einstöku starfsfólki á öllum sviðum. Hún er núna komin heim þökk þessu frábæra starfsfólki. Heilbrigðiskerfið okkar er einstakt og tölum það ekki niður því það á það ekki skilið. 

Kolumbus Ævintýraferðir.

Þá er þessari einstöku ævintýraferð lokið. Það var svo margt að sjá að ég ætla bara að stikla á stóru. En þetta magnaða ferðalag var til Argintínu og Brasilíu með viðkomu til Hollands og Parísar. Fararstjórar voru Friðrik Brekkan og Sigurður K. Kolbeinsson og voru allar ferðir og skipulagning til fyrirmyndar og allar tímasetningar líka. Þegar komið var til Argentínu voru myndir af Messí allstaðar og datt mér í hug að þeir ættu bara að breyta nafni Argentína í Messína en svo er Messí dáður þarna. Meira að segja var Budweiserbjór þarna með mynd af Messí. Farið var á Tangó sýningu þar sem allskonar skemmtikraftar komu fram. Heimsókn á búgarð og skoðaður stærsti innanlandsjökull heims. Sigling á Beaglesundi og sæljón og m0rgæsir skoðaðar. Farið var til Puerto Iguazú þetta svæði hefur verið nefnt eitt af sjö undurm veraldar. Þarna er einn af stærstu fossum veraldar. ýmislegt annað var að sjá en læt þetta duga um Messíland og næst er það Brasilía. Þar var meðal annars farið í "kálf" upp á Sykurtoppinn og svo Kristsstyttan skoðuð. Fegurin í Ríó var stórkostleg. En í báðum þessum löndum sá maður líka mikla fátækt og lítil tungumála kunnátta sérstaklega í Brasilíu. Endað var svo í París og svo farið heim til Íslands. Ekki skemmdi fyrir að samferðafólkið var dásamlegt og samhentur hópur sem gerði góða ferð enn betri. Takk fyrir mig. 

Lélegur fréttaflutningur

Ég bý í Mosó og er með hænur. Það var í fréttum að frá minkabúinu Dalsbúi í Helgadal hefði sloppið út minkar. Þeir hafa drepið hænur og dúfur hér í Mosó. Ásgeir Pétursson minkabóndinn sem minkarnir sluppu frá sagðist vera alveg miður sín en hefði fundið gatið þar sem þeir sluppu út. Ég spyr: Hvað sluppu margir minkur út? Hann hlýtur að vita hvað hann átti marga og hvað það eru margir eftir og mismunurinn er sá fjöldi sem slapp út!! Hænurnar mínar er frjálsar og fara út og inn í kofann allan daginn. Núna þori ég ekki að opna kofann og hleypa þeim út nema ég sé heima og þær eru ekki eins frjálsar og þær hafa alltaf fengið að vera. 

Vá, þvílík frammistaða.

Nú dugar engin fálkaorða heldur skal það vera Stórriddarakross með stjörnu fyrir íslenska þjálfarann.  Ísland er sigurvegari Eystraaltsmótsins. Vonandi gerir Vanda langtíma samning við þjálfarann eins og Víkingar gerðu við Arnar!

Edinborg

Jæja, þá er frábærri ferð til Brighton lokið og nú skal haldið til Edinborgar og allt að sjálfsögðu með Ferðaskrifstofu eldri borgara. Já lífið er ferðalag. Hlökkum mikið til því við vitum að okkur bíða flottar skoðunarferðir. 

Brighton

Já, loksins erum við hjónin að fara til útlanda og nú skal haldið til Englands þ.e.a.s. til Brighton. Að ajálfsögðu með ferðaskrifstofu eldri borgara en sú ferðaskrifstofa klikkar ekki. Allt sem sagt er stendur og fyrsta flokks fararstjórar eins og í þessari ferð er það enginn annar en Friðrik Brekkan. Hlökkum mikið til að fara í allar þær skoðunarferðir sem boðið er uppá eins og t.d. Seven Sisters en klettarnir eru hluti af South Downs þjóðgarðinum. Einnig verður skoðað Monk´s House og Rye og ekki má gleyma hin stórbrotna Dómkirkja Canterbury verður líka heimsótt og margt margt fleirra. 

Silence is Golden.

Af hverju má ekki upplýsa mann þegar frétt er sögð? T.d: Einstaklingur með Covid 19 lést á Landspítala í gær. 1. Hvaða þjóðerni var þessi einstaklingur? 2. Var hann með undirliggjandi sjúkdóma? 3. Á hvaða aldri var þessi maður? 4. Var hann óbólisettur? 5. Ef ekki, hvað hafði hann fengið margar sprautur? 6. Hafða hann fengið Covid 19 áður? Hvað er verið að fela fyrir manni? Mér kemur þetta við, vill fá upplýsingar. Af hverju er þessi feluleikur? Sama með hælisleitanda sem er hér þó hann sé búinn að fá hæli í öðru landi. Hvað kostar hann skattgreiðendur á mánuði og hvað fær fyrir utan fjárhaldsaðstoð? Og fær hann upphald þó svo að hann neiti að fara út landi? Hvaða feluleikur er þetta? Má maður ekkert fá að vita og ef maður vill það er maður þá rasisti? 

Besti helvítis bjórinn gerir kraftaverk.

Er enn að bíða eftir svari við fyrirspurn minni um "Besta deildin". Bætti nú við að blómabændur fullyrða að blómin þeirra geri kraftaverk. Nýasta auglýsingin sem hljómar ekki vel í mín eyru er: "Helvítis kokkarnir". Það má virðist allt í dag til að fanga athygli. Svona gæti nútíma auglýsing hljómað: "Helvítis besti bjórinn gerir kraftaverk" eða Besti bjórinn gerir helvítis kraftaverk. Neytendastofa hefur svo mikið að gera að ég verð víst bara að bíða og bíða og bíða...

"BESTA DEILDIN"

Ég sendi Neytendastofu erindi þar sem ég sætti mig ekki við að KSÍ kalli eina deild innan sinna vébanda "BESTA DEILDIN". Eru þá t.d. aðrar deildir næst besta og þriðja besta deildin og svo koll af kolli. Matthildur Sveinsdóttir svarað mér fyrir hönd Neytendastofu og segir þar meðal annars: Það liggur ekki bann við að nota efsta stig lýsingarorðs heldur er gerð krafa um að geta sannað að þær fullyrðingar sem fram koma í auglýsingum. Í framkvæmd hefur verið gerð strangari krafa til sðnnunar eftir því sem fyllyrðingarnar eru meira afgerandi og því eru oftar dæmi um að sönnun takist ekki þegar notast er við efsta stig. Svo endar svarið að þessari fyrirspurn minni verður tekin til skoðunar þegar röðin kemur að henni og hún ekki tekin fram fyrir önnur mál sem til meðferðar eru hjá stofnuninni. Þá höfum við það. Getur KSÍ sannað það að efsta deildin í knattspyrnu sé "BESTA DEILDIN" Hvað segja t.d. HSÍ og KKÍ um það og allar hinar deildirnar innan ÍSÍ og ÍSÍ sjálft?

Margt skrýtið í kýrhausnum!

Auglýsing hjá Norðurál sagði að það vantaði fræðslustjóra og starfið hentaði öllum kynjum. Veit vel að ég er eldri borgari en kynin voru bara tvö hér áðurfyrr!!

Svo eru það blómabændur sem auglýsa að blómin þeirra geri kraftaverk. Nei, og aftur nei. Þau gera engin kraftaverk en þau geta glatt fólk. (Jesús gerði kraftaverk var sagt hér í denn).

Besta deildin! Bannað er að nota orðið BESTA í auglýsingum (nema bæjarins bestur fengu undanþágu) en nú er heil deild í knattspyrnu sögð sú besta. Er þá handboltadeildin sú næst besta og körfuboltadeild sú þriðja besta og svo koll að kolli. Hvaða rugl er þetta!

Bríó auglýsir alvöru bjór! Og Egils Gull eitthvað svipað. Bjórauglýsingar eru bannaðar hélt ég þó svo ég sé ekki endilega sammála því.

Og að lokum ekki benda lögreglu á hugsanlegan brotamann ef hann er ekki með hvítt skinn. Því þá ert þú væntanlega rasisti!!