Frábær vel unnin störf

Konan mín veiktist heiftarlega fyrir hálfum mánuði síðan. Ég hringdi í 112 og sjúkrabíll kom stuttu seinna. Hún var flutt á bráðadeild og þaðan á gjörgæsludeild. Eftir nokkra daga þar var hún send á hjartadeild á LSH við Hringbraut. Á öllum þessum stöðum fékk hún frábæra aðstoð hjá einstöku starfsfólki á öllum sviðum. Hún er núna komin heim þökk þessu frábæra starfsfólki. Heilbrigðiskerfið okkar er einstakt og tölum það ekki niður því það á það ekki skilið. 

Athugasemdir

[Jóhann Elíasson, 28.5.2023 kl. 10:11]

Það er virkilega gott að menn skuli koma með "hina" hliðina á málum og tala um það sem vel er gert.  Það er ekki nokkur vafi á því að við eigum alveg stórkostlegt starfsfólk í heilbrigðisgeiranum, vandamálið er að við búum því miður ekki nógu og vel að því.  Þessu hef ég kynnst því ég þó nokkuð þurft á heilbrigðiskerfin að halda og ég á ekki nógu og sterk orð til að lýsa starfsfólkinu og hvernig það hefur staðið sig og unnið við mjög erfiðar aðstæður,  Að lokum óska ég konunni þinni góðs bata.......

[Sigurður I B Guðmundsson, 28.5.2023 kl. 14:26]

Þakka þér fyrir Johann.