Og hérna en hérna og já

Ég hlusta oft á þátt Sigurlaugar M. Jónasdóttur: Segðu mér. Hún er oftar en ekki með áhugaverða viðmælendur. Þá tekur maður eftir málfæri viðmælanda. Og hérna en hérna og já virðist vera mikið notað en aldrei eins og í morgun þegar viðmælandi hennar virtist ekki geta sagt eina setningu án þessara viðhengja sem í raun segja ekki neitt en eru notu samt í tíma og ótíma. Þá er nú þægilegra að hlusta á viðmælendur sem sleppa þessum viðhengjum sem gerist sem betur fer stundum. 

Athugasemdir

[Jóhann Elíasson, 1.7.2021 kl. 09:21]

Þarna kemur þú inn á mjög viðkvæmt mál eða hvernig málvitund landans er á sífelldri niðurleið og ekki virðist vera nokkur einasti áhugi á því að gera nokkurn skapaðan hlut í því.....

[Sigurður I B Guðmundsson, 1.7.2021 kl. 10:11]

Takk fyrir innlitið og mikið er ég sammála þér og ekki má heldur gleyma öllum ensku slettunum sem virðast margar hverjar komnar til að vera.