Föstudagsgrín

Verkamaður hjá "kol og salt" sagði þegar gengi Hitlers var sem mest í stríðinu og Þjóðverjar hernámu hvert landið af öðru: "Ekkert skil ég í, hvað hann Hitler vill með öll þessi lönd, - barnlaus maðurinn".

Þorvaldur á Eyri kom einu sinni inn í sölubúð í Reykjavík og sagði: Hvað er selt hér og keypt? Búðarmaðurinn svaraði spjátungslega: Það er nú mest þorskhausar. Já, og ganga víst vel út, segir Þorvaldur. Ekki nema einn eftir.

Verkamaður var að sækja um atvinnu og vinnuveitandinn spurði hann, hvað hann hefði unnið lengi þar sem hann var síðast? Í 65 ár sagði verkamaðurinn. Í 65 ár? spurði vinnuveitandinn undrandi. Hvað eruð þér gamall. Fertugur. Hverning getið þér hafa unnið í 65 ár? spurði vinnuveitandinn. Það var svo mikil eftirvinna, sagði verkamaðurinn.

Stefán gamli átti áttræðisafmæli. Finnst þer ekki slæmt að vera orðinn svona gamall? spurði einn af gestunum. Slæmt, og sei, sei, nei sagði sá gamli, ef ég hefði ekki orðið svona gamall væri ég dauður!

Í brúðkaupsveislu var maður nokkur að tala fyrir minni brúðgumans og komst meðal annars svo að orði: Hamingjan gefi að brúðguminn megi lifa marga slíka daga sem í dag!

Drykkfelldur maður sagði kunningja sínum að hann ætlaði á grímudansleik og leitaði ráða hjá honum hvernig hann ætti að búa sig sem torkennilegast svo að hann þekktist ekki. Vertu bara ófullur sagði kunningi hans. 

Þá er það KN: Uppstigningin: Opnaðu Pétur þitt harðlæsta hlið

að himinsins dýrðarsölum

skáldið er nú að skilja við

skrokkurinn fullan af kvölum.

-----------

Sorgarsjón: Nú er K. N. sárt að sjá

í solli rekka,

sitja hjá og horfa á 

er hinir drekka.

--------

Eftirmæli: Í kistuna sína hann lagðist lúinn,

lífs og sálar kröftum rúinn

við allskyns "eymda kíf"

Honum lítð hjálpaði trúinn,

hann var fremur illa búinn

undir annað líf.

Svo er það fimman: 1. Málarinn sem fékk málverk! 2. Sköllóttu mennina sem fóru í hár saman! 3. Sjoppueigandinn sem sagði allt gott! 4. Tannlausi maðurinn sem beit á jaxlinn! 5. Slátrarinn sem hafði tvær í sigtinu!

Að lokum er það gráa svæðið: Í Beinateig er breima flest,

ballar- kvelur sýkin.

Hafa þennan heilsubrest

Halla, kisa og tíkin. 

-------------

Hensína hér kona. Hún bjó á Hóli í Skagafirði. Ráðsmaður hennar gerðist aldraður. Hún hafði hug á að fá sér yngri ráðsmann og skrifaði því kunningja sínum og bað hann að útvega sér ungan mann. Þá var kveðið:

Hóllinn getur gæfu veitt

og gull á báðar hendur,

en Henzu vantar aðeins eitt,

yngismann - sem stendur.

--------

Ýmsa beygir ástarþrá

úti um vegi og grundir.

Brotna og deyja blómin smá

bökum meyja undir.

--------

Beinakerlingarvísa:

Farðu Dan úr frakkanum,

flettu o´n um þig buxunum,

stattu þarna uppi á steininum

og stikktu inn í mig bellinum. 

---------------

Frek að vanda fýsnin var,

fór að standa honum,

þegar Stranda-stelpurnar

steyptu úr hlandkopponum.

-----------

Að lokum kemur þessi:

Ef að stríð og andstreymi

að þér kvíða setur,

þú skalt ríða Þorgerði,

og þér mun líða betur.

 

 

Og hérna en hérna og já

Ég hlusta oft á þátt Sigurlaugar M. Jónasdóttur: Segðu mér. Hún er oftar en ekki með áhugaverða viðmælendur. Þá tekur maður eftir málfæri viðmælanda. Og hérna en hérna og já virðist vera mikið notað en aldrei eins og í morgun þegar viðmælandi hennar virtist ekki geta sagt eina setningu án þessara viðhengja sem í raun segja ekki neitt en eru notu samt í tíma og ótíma. Þá er nú þægilegra að hlusta á viðmælendur sem sleppa þessum viðhengjum sem gerist sem betur fer stundum. 

Föstudagsgrín

Jæja, þá er komið að seinasta föstudagsgríni hjá mér í bili. Sjáum til í haust. Þá er það fimman en hún fjallar um gleðikonur sem þurftu að hætta: 1. Hafði ekki neitt upp á sig lengur. 2. Allt of út lærð. 3. Drap tittlinga. 4. Kominn með geðklofa. 5. Sú brúkað kjaft við kúnanna og fékk að halda áfram.

Ungur nýgiftur maður eignaðist son. Hann var mjög montinn af þessu, og einn dag tók hann vin sinn heim með sér til þess að sýna honum frumburðinn. Er þeir stóðu yfir vöggu barnsins, sagði faðirinn: Það segja allir, að drengurinn sé afar líkur mér. Vinur hans svaraði hughreystandi: Taktu það ekki nærri þér, vinur minn. Ef strákurinn er bara heilsuhraustur, þá er allt í lagi.

Stúlka stöðvaði lögregluþjón á götu og sagði: Þessi maður þarna er að elta mig. Ég er hrædd um, að hann sé drukkinn. Lögregluþjóninn virðir stúlkuna fyrir sér og segir svo: Já, það hlýtur hann að vera.

Einar frá Hvalnesi og Helgi Hjörvar eru sjálfsagt einhverjir ólíkustu menn, sem um getur. Einar stór og næstum að segja tröllslegur, hvar sem á er litið, en Helgi lágvaxinn og smáfelldur. Eitt sinn vildi Einar hitta Helga að máli og fór heim til hans, en þeir höfðu ekki sést áður. Einar kveður nú dyra, og hittist svo á, að Helgi kemur sjálfur til dyra. Þá segir Einar: Sæll vertu, drengur minn! Er hann pabbi þinn heima!

Helgi Hjörvar var lítill vinur Jónasar Þorbergssonar útvarpsstjóra og  átti í miklum útistöðum við hann, eins og menn munu minnast. En ekki þótti honum taka betra við, þegar Vilhjálmur Þ. Gíslason var orðinn útvarpsstjóri. Einhver kunningi Helga spurði hann, hvernig honum félli við nýja útvarpsstjórann. Þá sagði Helgi: Það hefði mig aldrei grunað, að nýi útvarpsstjórinn ætti efir að gera þann gamla góðan.

Hjörtur Hjartarson, fulltrúi hjá borgarfógeta, kom í fyrirtæki eitt hér í Reykjavík í þeim erindum að gera lögtak. Fostjórinn tók lögtaksmönnum hið versta og sagði þeim að fara til helvítis. Eigið þér eignir þar? spurði þá Hjörtur með mestu hægð.

Ásgrímur hét maður og var Eyjólfsson. Hann var afgreiðslumaður við Lefoliis-verzlun á Eyrarbakka. Hann var ákaflega blótsamur. Eitt sinn var hann að mæla brennivín fyrir sveitaprest einn, en hraut ílát. Hann kallaði því til prests: Komdu hérna, séra skratti, með ílát undir andskotann.

Sr. Jónas Guðmundsson á Staðarhrauni sendi bónda nokkrum, sem Páll hét, hrút, sem komið hafði í fé prests, vísu þessa með. Páll þessi hafði nýlega tekið fram hjá konu sinni.

Passaðu hrútinn, Paulus minn,

punginnn vill hann lina.

Hann er eins og eigandinn,

upp á kvenhöndina. 

Þá er komið að K.N.: Til Arinbjarnar Bardals:

Lánsamstur þú ert, sem ég þekkk

þeirra manna, sem að drekka ekki.

Hvernig sem á heimsku slíkri stendur,

halda margir að þú sért oftast kenndur.

Öfund mína á þér skal ei spara,

æðistiprestur sannra Goodtemplara.

---------- Ort við Þorstein Kapílán Björnsson:

Í fyrra á fjórða júlí

svo fullur varstu hér,

að allir aðrir sýndust

ófullir hjá þér.

------ Skrifað á jólaspjald til Laugu Geir:

Harmur dvínar helgum á 

hinsta sólmánuði,

systrum þínum heima hjá 

held ég jól með guði.

----------------

Að lokum er það Gráa svæðið: 

Feginn vildi ég fara upp á fóstru mína,

þó ég af því biði bana,

bara til að gleðja hana.

----

Sæl og blessuð, Sigga á Ríp,

sestu niður hjá mér.

Ég skal ljá þér snoðinn sníp,

sniðinn í klofið á þér.

---- Í barnsfaðernismáli bar stúlka það að maður hefði sorðið sig sitjandi:

Lýður gera það liggjandi,

lukkast má það standandi,

en sóðast við það sitjandi

sýnist mér varla formandi.

----

Hingað betur, þangað betur,

þú ferð hjá því,

ofar betur, neðar betur,

nú ertu á því

------

Ei varð ferð til ónýtis

upp til Skólavörðunnar.

Þar á björgum blágrýtis

biskupsdóttir legin var.

--------

Aldrei Jón á flyðru fer,

fyrr léti hann sig hengja.

En greddan, sem að í honum er,

ætlar hann að sprengja.

--------

Þá er þessu lokið núna og var í lengra lagi. Vonandi hafið þið haft gaman að þessu!

 

Föstudagsgrín.

Ef þú lúrir á einum góðum láttu hann þá koma hérna. En á föstudaginn kemur kem ég með mína "langloku" þ.e.a.s. fimmuna, K.N. gráa svæðið, og nokkrar sögur. En hérna er ein: Ung kona kom til læknis til þess að leita ráða hjá honum. Hún var feimin og gekk seinlega að bera fram erindi sitt. Læknirinn komst þó að því að ástæðan var, að hjónaband hennar var barnlaust, og að hún og maður hennar höfðu bæði áhuga á því að eignst barn. -Hve lengi hafið þið verið gift, spurði læknirinn? Sex ár svaraði unga konan. Þá ættuð þið að vera búin að eignast barn fyrir löngu, sagði læknirinn. Gjörið svo vel að "taka af yður", svo skulum við sjá til hvað hægt er að gera. Frúin roðnaði og sagði með hægð: Mig langar nú til að eignast fyrsta barnið með manninum mínum. 

Læt annan fljóta með: Ung og fögur frú hafði eignast þríbura og lá nú á fæðingardeildinni. Dag nokkurn kom vinkona hennar í heimsókn. Ég óska þér til hamingju, sagði hún. Það hlýtur að vera dásamlegt að fá heilan barnahóp í einu. Við hinar verðum að láta okkur nægja að eignast eitt í einu. Já, það segirðu satt. Þetta er líka alveg kraftaverk. Læknirinn segir að þetta skeði aðeins í eitt skipti af 100.000. "Guð almáttugur," sagði vinkonan. Þá skil ég hreint ekki, hvernig þú og maðurinn þinn hafið tíma til að sinna störfum ykkar.!

Endir. 

Föstudagsgrín

Fyrst er það fimman: Hún fjallar um iðnaðarmenn sem þurftu að hætta: 1. Rak við í lófan á sér. 2. Málarinn sem fékk málverk. 3. Smiðurinn sem átti undir högg að sækja. 4. Skósmiðurinn sem hringsólaði. 5. Smiðurinn sem boraði upp í nefið á sér. Næst eru það gleðikonurnar.

Ferðamaður nokkur spurði eitt sinn gamla konu í Skagafirði, hvort hún hefði búið þar alla ævi? O, ekki ennþá, svaraði sú gamla afdráttarlaust.

Ég er alltaf fyrstur til að hlæja að mistökum mínum. Þú hlýtur svo sannarlega að lifa skemmtilegu lífi!

Getur þú lánað mér fyrir strætó? Ég á bara þúsund kall. Fínt þá tek ég bara leigubíl.

Steindór var sjálfur að afgreiða á bílastöðinni. Það var þegar "ástandið" var í algleymingi, og var ös mikil. Stúlka úr "ástandinu", sem Steindór þekkti, kemur inn og pantar bíl. Þér verðið að bíða, sagði Steindór. Nokkru síðar kemur liðsforingi, og lætur Steindór hann fá bíl á undan stúlkunni. Hvaða ósvífni er þetta segir stúlkan, látið þið Ameríkana ganga fyrir? Nú gerið þið það ekki líka? svaraði Steindór.

Tannlæknir kom eitt sinn á stöð Steindórs og pantaði bíl. Það er enginn bíll til, svaraði Steindór. Ég þarf að fá bíl, hverju sem tautar, varð þá tannlækninum að orði. Hvernig ætlar þú að fara að því, þegar enginn bíll er á stöðinni? Eða getur þú dregið tönn úr tannlausum manni? svaraði Steindór.

Bóndi á Hörgárdal heyrði sagt frá því, að nágranni hans hefði látið stækka mynd af konu sinni, en hún var ófríð mjög og stórskorin. Þá varð honum að orði: Mér finnst, að hann hefði heldur átt að láta minnka hana.

Sigurður Nordal ritaði nafn sitt fyrst á skólaárum sínum S. Nordal. Þá fundu skólabræður hans upp á því að kalla hann Snordal. Nú breytti Sigurður nafninu þannig, að hann ritaði það Sig. Nordal. Ekki gáfust skólabræður hans upp við það, og nefndu hann nú Signor Dal. Þá fór Sigurður að rita sitt fulla nafn og hefur gert það síðan.

Þá er komið að K.N. Úr Landnemaljóðum:

Ég þekki þá sjálfur, og það voru menn,

sem þrekið var gefið;

og taka í nefið.

Þeir unnu eins og hestar og átu eins og naut

með eldheitu blóði,

en bitu á jaxlinn, ef brennivín þraut,

og bölvuðu í hljóði.

---

Vonbrigði:

Ég bað hann ekki, aðeins lét hann skilja,

að örðug myndi verða þessi ferð,

og lítil hjálp, ef gjörð af góðum vilja,

frá gömlum vini reyndist mikilsverð.

En áform mín að engu voru gjörð,

og orðin féllu þar í grýtta jörð.

Á sjó og landi:

Ægis dætur hef ég hitt

hlæjandi úti á sænum,

líka hafa mér stundum stytt

stúlkurnar hér á bænum. 

Að lokum er það "gráa svæðið":

Mér er illt í mænunni,

mold er í öllum veggjum.

Haninn ríður hænunni,

hænan verpir eggjum.

---

Þau "blikkuðust" á brautinni,

úr bænum héldu saman.

Löðust frammi í lautinni.

Lítið er ungs manns gaman.

---

Eitt sinn þegar Ingileif

á var nærpilsinu,

Björn þá sjöunda boðorð reif

burt úr lögmálinu.

---

Einatt það mér angur jók

með öðru fleira mörgu,

að danskur maður dreif sinn lók

í deshúsið á Björgu.

---

Einu gilda má það mig,

hvað Munda tólin kitla.

En oft má fletta upp um sig

hún Indíana litla.

Læt þetta duga núna.

 

 

 

 

 

 

Býð mig fram.

Já, ég býð mig fram í stjórnasetu hjá FEB (fél.eldri borgara) en kosning fer fram núna sjötta maí. Mér finnst allt of mikil deyfði í þessu fjölmenna félagi og er tilbúinn að reyna að lyfta félaginu upp á hærra plan. T.d. með að setja stofn alls konar nefndir sem fagmenn í þessu félagi munu stjórna t.d. styrtar og sjúkrasjóð, lýðheilsunefnd, skemmtinefnd, fjáröflunarnefnd svo eitthvað sé nefnt, stjórnin á að einbeita sér að baráttu fyrir betri kjörum og hagsmuni fyrir eldri borgara. 

Föstudagsgrín

Hér kemur einn að hætti Jóhanns en svo kem ég með mína "langloku" á föstudaginn kemur. Ef þú lesandi góður lúrir á einni góðri látta hana þá koma hérna! 

Maður nokkur var í leigubíl og pikkaði í öxlina á bílstjóranum til þess að spyrja hann spurningar. Leigubílstjórinn öskraði upp yfir sig, missti stjórnar á bílnum, var næstum búinn að keyra í veg fyrir strætó, fór upp á gangstétt og stoppaði örfáum sentimetrum frá búðarglugga. Í nokkrat sekúndur er allt hljótt í bílnum. Síðan segir bílstjórinn: Heyrðu félagi þetta skaltu aldrei gera aftur. Þú hræddir næstum úr mér líftóruna. Farþeganum var illa brugðið en sagði að lokum: Fyrirgefðu ég vissi ekki að smá pikk í öxlina mundi valda þessum viðbrögðum. Æ, fyrirgefðu sagði bílstjórinn, þetta var nú reyndar ekki þín sök. Í dag er fyrsti dagurinn hjá mér sem leigubílstjóri, en ég er búinn að keyra líkbíl í 25 ár. 

Föstudagsgrín

Fimm fimmaurar um homma: 1. Gafst upp á endanum. 2. Gat ekki rassgat. 3. Dróst afturúr. 4. Eilíf afturför hjá honum. 5. Sá hélt áfram því hann gat ekki hugsað sér að snúa aftur. 

Næst eru það iðnaðarmenn t.d. Trésmiðurinn sem varð að hætta því hann rak við í lógan á sér!

Í Edinbort hafði þjófur brotið rúðu í sýningarglugga skartgripaverslunar og stolið dýrgripum fyrir mikið fé. Þjófurinn náðist daginn eftir þegar hann kom í verslunina til þess að ná í hamarinn sem hann hafði brotið rúðuna með!

Hvaða hávaði er þetta í herberginu hér við hliðina? Þetta er bara hún Sigga gamla að tala við sjálfa sig. Af hverju hefur hún svona hátt? Æ, hún heyrir svo illa kerlingargreyið!

Veistu hvað stendur á legsteini opinbers starfsmanns? Nei. Hér hvílir hann áfram!

Jón Hjaltalín skólastjóri á Möðruvöllum var eitt sinn að láta nemanda þýða úr dönsku og kom þar fyrir málshátturinn: Af skade bliver man klog. Nemandinn þýddi: Af skötu verður maður klókur. Þá sagði Hjaltalín: Jahá, Mikið þyrfir þú að éta af henni!

Laufey Valdimarsdóttir var eitt sinn á ferð í bíl með nokkrum kvenréttindakonum. Þær töluðu margt um sín áhugamál, og þótti bílstjóranum þær halla allmjög á karlmennina. Hann sagði því: En guð skapaði þó Adam á undan Evu. Já, svaraði Laufey, en það var bara af því, að hann var að æfa sig!

Prestur nokkur var að hugga ekkju, sem nýlega hafði misst mann sinn, og sagði meðal annars, að hann væri nú kominn til betri heimkynna. Þá segir konan með þykkjusvip: Á þetta að vera sneið til mín!

Listmálari hér í bænum var að sýna gesti sínum nokkur málverk eftir sig, og þar á meðal var andlitsmynd af stúlku. Þegar gesturinn hafði athugað myndina nokkra stund, sagði hann: Mér sýnist myndin prýðilega gerð, en hvers vegna valdir þú svona herfilega ljótan kvenmann til að mála? Hún er systir mín, sagði málarinn. Æ, fyrirgefðu, sagði þá gesturinn. Ef ég hefði athugað myndina betur, þá hefði ég getað séð, hvað þið eruð lík.

Jæja, þá er það K. N.: Ekki ný saga:

Hjá konum bæði og körlum 

hann kærleiksylinn fann,

elskaður og virtur af ölllum,

sem ekki þekktu hann.

---------

Stirðnar tunga og dvínar dáð,

dregst að nóttin kalda,

horfið er allt, sem hef ég þráð,

hvers á ég að gjalda?

Stefið margt, sem frá mér flaug

fyrr til ungra svanna,

gref ég upp úr öskuhaug 

endurminninganna. 

------

Mig langar stundum að lyfta mér ögn

og lífga með kvæðum og söng.

Mér leiðist hin eilífa þunglyndis þögn,

því þá urðu kvöldin svo löng.

-------

Jæja, þá er það "Gráa svæðið": Það voru prestkosningar og þótti einn presturinn mikill kvennabósi sem ekki öllum líkaði. Þá var þessi til:

Heldur réna fylgið fer,

flestir gegn þér rísa,

en ef þú skærir undan þér,

ættirðu kosningu vísa.

----

Er við sáum áfram líða 

allan þennan meyjafans,

þyngdarlögum hætti að hlýða

hluti nokkur líkamans.

----

Heldur fitlar faglega,

fer með tittling haglega,

hún Gunna litla, laglega

sem lostinn kitlar daglega. 

-------------

Svo hin góða sauðfjárrækt

sveitir megi prýða,

þarf að kenna hægt og hægt

hrútunum að ríða. 

Jæja, þá er þetta komið núna, en Jóhann bað mig að taka við föstudagsgríninu og vonandi var þetta í lagi. 

 

Bjór-No Bordes-Sund

Keypti mér ódýran og góðan bjór fyrir páska. Hann kostaði 166 stk. Fór svo aftur í Ríkið til að kaupa hann aftur. En nei, núna kostar hann 229 stk. eða tæp 40% hækkun! Íslensk framleiðsla lengi lifi! Gallerí Fold býður nú upp á góðgerðauppboð fyrir No Bordes! Ætli ferðaþjónustan bjóði ekki grimmt  í verkin?  Að lokum þetta: Hvers vegna er ekki hægt að opna t.d. eins sundlaug á höfuðborgarsvæðinu fyrir eldri borgara??

Þöggun!

Einn hefur greinst með afbrigði Covid 19 sem kennt er við Suður-Afríku hér á landi sagði Þórólfur Guðnason í dag. Fréttamenn fengu síðan að spurja spurninga en enginn þeirra spurði t.d.: Hvaðan kom þessi einstaklingur og hvaðan er hann og hvaða erindi átti hann til landsins? Og heldur ekki: Er þetta afbrigði eitthvað hættulegra en önnur afbrigði?