Gamlar vísur nr. 17

200. Eftir eitthvern Guðm. glosi.

Rennir kylja kalin svörð

kennir ylja líf á jörð

fannir hylja hóla og börð

hrannir bylja stritt um fjörð.

201. Gömul.

Eitthverntíma ef jeg ræ

eitthverntíma kemur logn

eitthverntíma út á sæ

eitthverntíma fæ jeg hrogn.

202. Einar Sæm, kemst svo að orði:

Við skulum bera höfuð hátt

hvað sem aðrir segja

og leika okkur ljett og dátt

í ljúfum faðmi meyja.

203. Gömu.

Brennivín er blessað hnoss

brennivínið gleður,

brennivínið bætir oss

brennivínið seður.

204. Jón blindi kveður:

Það er líf í þrautinni

það kíf mykjandi,

það út rífur þunglyndi

þar er líf og andi.

205. Eftir Bjarna Jónsson frá Vogi.

Skáldið kneifði koníakk

á koníakki skáldið sprakk,

til himins sálin fór á flakk

en fjandinn henni í vasan stakk.

206. Magnús Ólafsson.

Um blekbittuna börðust þeir

með býsna miklu pati.

Vont er þegar vilja tveir

vera í sama gati.

207. Sagt er að Jónas Hallgrímsson, hafi ort vísu þessa þegar hann var átta ára.

Mál er í fjósið, finst mjer langt

fæ jeg ekki ofan í mig.

Æ æ, lífið er svo svangt

enginn jetur sjalfan sig.

208. Vatnsenda Rósa kvað við mann sem var tvílofaður stúlku með skarð í vörinni.

Það er feil á þinni mey

þunnur ála bála

að hún heilar hefur ei

hurðir mála skála.

209. Baldvin Halldrórsson kvað við mann, sem var að skoða hest sinn.

Farður hægt með folan þinn,

hann fæstum reynist þægur,

hann er eins og heimurinn

hrekkjóttur og slægur.

210. Halldór Sæmundsson, Húnvetningur, orti vísu þess. Var hann að vinna hjá vinnuhörðum bónda, lagðist til svefns. Þegar hann kom spurði bóndi hver hann hafi verið. Svarið var.

Ég var að hvíla líkam lúinn

langa eftir vöku nótt.

Jörðin hafði beð mjer búinn

blundað gat jegvært og rótt.

211. Gömul staka.

Ég má bera hallan haus

horfin gleðistundin.

Mjer var sæmra að lifa laus

ljótt er að vera bundin.

212. Slettubönd Jón Sighvatsson, Vestfirðingur.

Skellur nýjar fjöllin fá 

fyllist rosa bláin,

fellur skyja-ullin á

illa frosin stráin.

213. Kveðið eftir "Svart" vasapela sem brotnaði. Rögnvaldur Þórðarson, Húnvetningur.

Svartar veigar vöku bál

vonar-snauðum minni,

bjartra teiga saknar sál

sæl í minningunni.

214. Eignuð Jóni Ásgeirssyni, Þingeyrum.

Ekki skal það ógna mjer

þótt ólgi á slaðurs túnum,

ljetta og glaða lund jeg ber,

læt því vaða á súðum.

215. Til Guðm.Loftssonar frá H.S.B.

Óskin sú er upphafs máls,

er jeg besta þekki,

leggi þjer gæfan hönd um háls

en hengi þig samt ekki. 

216. Kveðið þegar Amerísku herskipin lægu hjer í sumar 1924. Eftir H.S.B.

Úr bannlandinu einu í annað

hinn Ameríski silgdi her,

hvern undrar það, að auga fullur 

þar innanborðs var maður hver.

217. Þrælsmerkið.

Heimskan fyllir galin glóp

góðri hilli vikinn.

Ef þú ei fyllir þræta hóp

þá er jeg illa svikinn.

218. Angri sáru yfir sær

allar taugar lífsins,

en sje jeg tárin silfurskær

svífa um augu vífsins.

219. Vatnsenda Rósa.

Engin lái öðrum frekt,

einar þó nái falla,

hvar einn gái að sinni sekt,

syndir þjáir alla.

220. Mjer er lundin þung og þver,

þráinn bundin trega

en Bakkus stundum bætir mjer

bölið undarlega. 

---------------

20 vísur í dag. 

 

 

 

 

 

 

 

 

 

 

 

 

 

 

Gamlar vísur nr. 16

Jæja nú fer þessu að ljúka en smá slatti eftir.

186. Oft í gamladaga var, að karlmenn sögðu kerlingasögur en konur karlasögur, hjelt þá hvort með sínu kyni. Kona nokkur sagði því.

Karlmenn voru kvalarar

konungsins á himnum

Sigvaldi nokkur Jónsson, botnaði

Af því forðum Eva skar

eplið af bjarkarlimnum.

187. Maður ávarpaði þennan Sigvalda og segir.

Segðu mjer það Sigvaldi

hvað syndir þínar gilda.

Svar:

Það er undir útskurði

alföðursins milda.

188. Menn voru saman þá segir einn.

Því ert raftur, fryðum faptur,

fjörgulundur.

Svar:

Legðu kjaftin á þjer aftur

eins og hundur.

189. Maður sem vaknaði um nótt til að jeta. Eftir Gísla (? )

Þú hefir merkis-matarlyst

miðju nótt sem daga

þú átt guði að þakka fyrst 

að þjer gaf slíkan maga.

190. Eftir sama.

Viljir þú sjá, hvað veröldin

veitir misjaft gengi,

settu þig í sessin minn

og sittu þar dálítið lengi.

191. Sami:

Kondu hjerna að kyssa mig

kærust lilijan banda,

mjer er sama að missa þig

og minn að gefa upp anda.

192. Sami:

Úr veröldinni fyrrum fór

frá oss Árni kjaftur,

skaðin var ekki skemdastór

því skrattinn sendi hann aftur.

193. Sami:

Rignir kossum, hugur hlær

hjóna kross -á-messu,

deyja hross og allar ær

eigi er hnoss að þessu.

194. Sami:

Signsor B.-sefur og hrýtur,

svo á öllum hnettinum þýtur.

En á himnum englarnir ansa:

Eru þeir á jörðu að dansa.

195. Þegar Magnús Teitsson rjeri í Þorlákshöfn komu vasturmiklir strákar upp-"pússaðir" í sjóbúð og höfður hátt. Þá sagði Magnús.

Kvöldið það er kanski gott

kurteisin þó vaði á súðum.

Þið eruð nógu fjandi flott

flækingar úr öðrum búðum.

Þeir fóru út.

196. Ort um Magnús Torfason, sýslumann þegar hann bauð sig fram til þings á Ísafirði.

Ef það með kostum þingmanns telst

þitt er að faðma og kyssa.

Kýs jeg Magnús held jeg helst

hann vil jeg ekki missa.

197. Eftir Erlend Gottskalksson.

Alltaf bætist raun við raun,

rjena gleðistundir,

það er ei nema hraun við hraun

höltum fæti undir.

198. Jón á Þingeyrum kvað svo:

Mesta gull í myrkri ám

mjúkt á lulla grendum,

einætt sullast jeg á Glám

og hálf fullur stundum.

199. Sjera Stefan Olafsson, Vallarnesi segir:

Vandfarið er með vænan grip

veit jeg það með sanni.

Liðuga konu og sjófært skip

og samviskuna á manni.

------------------------

Jæja, þá verður nr. 200 næst og þá er lítið eftir

en þá tekur annað við. 

 

 

 

 

 

 

Gamlar vísur nr. 15

170. Eftir Sigurð Breiðfjörð.

Biðin þytur rúnar hafna

reiðin flytir skeiðunum,

skeiðin brytur brúir skafla

á breiðum hvítings heiðunum.

171. Lausavísa.

Fjáðu lýðir król á hól

hól þar færri bera,

kváðu viðis sólar sól,

sólin skærri vera.

172. Eftir Þorst. Erlingsson.

Sljettu bæði og forni hjá

heldur Græðir anda

meðan hæðir allar á

aftanklæðum standa.

173. Vísa þessi er eftir Júlíonnu skáldkonu.

Að fara á skíðum, styttir stund

stúlka fríða spenna mund,

sigla um víði hrína-hund

hesti ríða sljetta grund.

174. Eftir Ólaf nokkurn Bergsson.

Þó að Páli bresti brá

bili Grím að skrifa

og Þorsteinn líka falli frá

ferhendurnar lifa.

175. Eftir Sigurð (...?) Helgason.

Á svo háum aldri sá jeg fáa,

firða stirða fáum ljá,

fella að velli sráin blá.

176. Eftir Símon Dalaskáld.

Gesti hresti,grand ei bresta náði

mesti og besti maður var

mestu og flestu listir bar. 

177. Eftir Sigurð Breiðfjörð.

Á haukum lóna leiðanna

lítur (níta) megni,

skaut á trjónum skeiðanna

skalf í tónum reiðanna.

178. Lausavísur.

Brag jeg laga lýðum hríð

við ljóðin fljóðin una,

fagran slag nú bíðum bíð

bjóði móðu funa.

179. Fljóast brjóta fá jeg má

fræða ræðu kvæða,

njótur spjóta nái fá

næði og gæði hæða.

180. Eggja branda þund á það

þundarbranda eggja,

leggja banda ekru að 

ekrur batna leggja.

181. Versa þessa linnir ljóð

lýður kvæði þiggi,

hressi blessi fríðu fljóð

fríður hæða tyggi.

182. Gletti andi hulin hátt

hljóðum móðum endi,

sljettubandin þulin þrátt

þjóðum góðunn sendi.

183. Dettur ljettur háttur hjer,

hræðist fræðist lyndi,

rjettur settur máttur mjer,

mæðist græðist yndi. 

184. Þórður orðin herðir hörð

hirðir sverða glaður,

stirða mærða gerði gjörð

girðir korða hraður.

185. Tveir góðir hagyrðingar Ari Sæmundsson og Olafur Briem voru saman þá segir Ari .

Þarna er staupið settu sopan

sem á fanna þinna grunn,

Olafur svarar strax.

Farna! raupið rjettan ropan

renna fann jeg inn í munn. 

------------------

Komið í kvöld. Meira síðar og stuttar!!!

 

Gamlar vísur nr. 14.

Nú er góður tími að setja inn nokkrar vísur. 

155. Vísa þessi er eignuð sera Jóni Þorlákssyni sem var prestur í Selárdal.

Grundar dóma hvergi hann

hallar rjettu máli,

stundar sóma aldrei ann

illu pretta táli.

156. Eftir Sig. Breiðfjörð.

Lifnar hagur nú á ný,

mjer er bragur spunninn,

hlýr og fagur austri í

upp er dagur runninn.

157. Gísli nokkur á Skörðum kveður svo:

Jeg mun svelgja eins og var,

öls og fjelga kaupum.

Þó skinhelgir hræsnarar

hafi velgju á staupum.

158. Páll Ólafsson kveður svo.

Sunnan vindar fjöllum frá

fönnum hrinda síðar,

grænum lindum girðir þá,

grundin, lindar, hlíðar.

159. Eftir sama.

Folin ungur fetar ljett,

fjallabungur, grundir,

fen og sprungur fór á sprett

fjöllin sungu undir.

160. Eftir sama.

Hleypur geyst á alt hvað er,

vindur reist að framan,

þjóta neistar þar og hjer

þetta veistu er gaman.

161. Úr "rinnu".(rímu)

Valla sallar vargur sá

valla galla bar hann,

falla spjallið fræða má

fallegur allur var hann.

161. (Aftur, svona er það bara innskot frá mér). Gömul vísa.

Gosi fór að gera vísu,

í gasalegu drykkju masi.

Gosi týndi einni ýsu

í asalegu heimsku þrasi.

162. Eftir Sigurð Breiðfjörð.

Fjell í valinn elli alin

æða græða klæðir svæði

svella kvalir hrelli halinn

hræðis næði en glæðist mæði. 

163. Eftir sama.

Örvar hellast ógnir hrella

iður vella blóðlitaðar

svellin skella fólk og fella

feigð um velli köstum raðar.

164. Árni Böðvarsson skáld á Ökrum kvað:

Háttur ljettur, þáttur þjettur

þeygi rjettur fer,

máttur settur, dráttur dettur,

dregin sljettur er.

165.

Oft er æði í annríki,

oft er kvæði gleðjandi

oft er ræði í útvari

oft er næði þreitandi.

166. Eftir eitthvern Hallgrím Jonsson læknir.

Hún gat sjéð af hundsfylli

hún gat ljéð eitt rúmbæli,

hún var svona hress við vég

hún var kona rausnaleg.

167. Þessi er eftir Hannes Bjarnason prest í Ríp.

Sú var fríðust drósa drós,

dyggð og tryggðum vafin,

sannnefnd viðis ljósa ljós,

landsins priði hrós og rós.

168. Gömul vísa. Bólu Hjálmar.

Sumir völvu sanna spá

sumir fölvir hnigna þá,

sumir mölva sverðin blá

sumir bölva en höggin fá.

169. Ort um mann er hjet Skalli sem hafði exi með skalla í hendi að vopni.

Heggur Skalli í harðan skalla

hann brá skalla viður,

otaði skalla undir skalla

og í því skall hann niður.

-----------------------

Held svo áfram síðar. Slatti eftir. 

 

 

 

 

 

 

 

Gamlar vísur nr. 13

Jæja þá ætla ég að halda áfram með þessar gömlu vísur sem ég fann í dánabúi föðurs míns:

138. Kristján Jónsson kveður þannig:

Sælt er að elska og elska heitt

af ungri silkihlíð.

En hvað fær framar af sjár leitt

armæðu, böl og stríð.

139. Lausavísur:

Sela dala bála bil

baldur vildi skjala.

Vjela skal við ála yl

aldrei hildi fala.

140.

Þvingar angur hringaheið

hungrið stranga spennir

syngur anga löngum leið 

lungun ganga í henni.

141.

Mörgum manni bjargar björg,

björgin hressir alla.

Eru að sækja björg í björg

björgulegt er valla.

142.

Sumarling og sumarþrá

sumar vakna lætur,

sumar í auga sumar í brá

sumar við hjartarætur.

143. Maður var á ferð undir fjallinu "Strútur" sem er nálægt Kalmannstungu.

Lyngs við byng á grænni grund

glyngra og syng við stútin

þvinga jeg styngan hófa hrund

hringin í kringum "Stúrinn"

144.

Vondra róg ei varast má

varúð þó menn beiti,

mörg er Gróa málug á

mannorðsþjófa Leiti.

145.

Veröld fláa sýnir sig,

sú mjer spáir hörðu,

flestöll stráin stinga mig

stór og smá á jörðu.

146.

Þorri bjó oss þröngan skó

þennan snjóa vetur

en hún góa ætlar þó

að oss róa betur.

147.

Nú er hlátur nývakinn

nú er grátur tregur

nú er jeg kátur nafni minn

nú er jeg mátulegur.

148.

Svona vil jeg sjá hana,

svona horfa á hana

fríða vil jeg fá hana

hjá föðurnum sem á hana.

149. 

Þú ert Manga þægileg

þar um ganga sögur,

æ mig langar að eiga þig,

eikin spangafögur.

150. Bragaháttur stuðlafall.

Oddur blauði óttast rauðan dauðan

hann er versta um hauður gauð,

hann er mesta skauð í nauð.

151.

Fyr skal randa rjóðum brandur granda

en að fjandinn flái sá

fái sanda brái gná.

Bragaháttur stikluvik.

152.

Hjalla fyllir fenna dý

falla vill ei kári,

valla grillir Ennið í

alla hrellir menn við því.

153. Bragaháttur "Útkast"

Sigurður á Barði barði

bogin Steina,

inn við hurð sig Varði varði

verkum meina.

154. Símon Dalaskáld hefur ort vísu þessa.

Skáld í landi frjáls og frí,

forðast andar grandið,

hjónaband ei þolir því

þetta vonda standið.

------------------------

Komið í dag. 

 

 

 

 

 

Rás 2 tímaskekkja.

Fann grein eftir mig frá því herransári 2010 i Velvakanda 9.febrúar. Mér finnst hún eiga rétt á sér í dag eins og fyrir 10 árum.

Þegar Rás 2 var stofnuð var það talið nauðsynlegt vegna þess að RÚV var bara eitt á markaðnum og talið var þörf á meiri fjölbreytni sérstaklega með tónlist (fyrir ungu kynslóðina.) Tel ég þá ákvörðun hafa verið rétta. Í dag er RÁS 2 með morgun-og síðdegisútvarp. Þess á milli er Poppland og svo einstakir þættir á kvöldin. Nú höfum við einkastöðvar með morgun-og síðdegisútvarpi og nóg af stöðvum með tónlist allan sólarhringinn. Til hvers þurfum við RÁS 2 í dag? Ef það er fyrir starfsfólkið á stöðinni,þá endilega haldið RÁS 2 áfram. Á sama tíma er verið að gagnrýna RÚV fyrir að taka auglýsingartekjur af einka stöðum. Eins og áður var sagt var RÁS 2 talin nauðsynleg á sínum tíma vegna skorts á fjölbreytni. Sú fjölbreytni er til staðar í dag. Hvers vegna þarf þá RÁS 2? Lokið RÁS 2 og lækkið þannig nefskattinn en best væri að taka hann af. Ég tel að RÚV eigi að halda sig eingöngu við "gömlu góðu Gufuna" þ.e.a.s. RÁS 1. En samt má hugsa sér að gera RÁS 2 að íþróttarás og samtengja hana RÁS 1 þegar ekki er verið að útvarpa kappleikjum. Stjórnmálamenn tala um að það sé nauðsynlegt að vekja sem mestan áhuga á íþróttum því það sé ein besta leiðin til að fyrirbyggja óreglu meðal ungmenna. Best væri þá að RÚV hætti sjónvarpsrekstri og seldi tæki og tól og jafnvel húsnæðið. "Ríkið" styrkti íslenskt efni með útboðum. Þá fengjum við mun meira af íslensku efni og ríkið sparaði milljónir, auk þess fengum við engan nefskatt.

----------------

Svona var það fyrir 10 árum. Ég held svo áfram með gamlar vísur síðar.

Gamlar vísur nr. 12

122. Einu sinni var Símon Dalaskáldi sem kallaður var gefin trefill og eitthvað fleira,gjöfina þakkaði hann með að senda gefanda vísur þessar á miða:

Leikur sjer við lítil börn

lukkan sem að styðji.

Hjer á Eyrarbakka Björn

Blöndal Guðmundsniðji.

123. Gjafmildur hann ætíð er

og æsku blóma gæddur.

Sjötta dagin Desenber

drengurinn er fæddur.

(innskot frá mér: Faðir minn var fæddur i "Húsinu" á Eyrarbakka og afi var þar kaupfél.stjóri eða faktor eins og það hét þá og þar sem ég á sama afmælisdag og Björn þessi sem var bróðir pabba þá fékk ég ættarnafnið.)

124. Til heimasæturnar:

Heimasætan hýr á lund

heldur kvik á fæti.

Hefur marga myrkra stund

mjer synt blíðulæti.

125. Guðm.Pjeturs og Aron Guðbrandsson áttu oft í illdeilum til (hans)Arons orti GP þessa:

Svo að endir okkar raus

að ofan í þig jeg skíti.

Neyð er að fara nestislaus

og nakin ofan í víti.

126. GP var "kendur" einu sinni þá kvað hann:

Eg gríp hvern guða veig

að gleðja mína sál

og titra við hvern teig

er tendrar hjartans bál.

127. Þessi er eftir sama:

Þótt heimurinn ríði af róstum

og reiði við örlaga dýs.

Að krjúpa að kvennabrjóstum

er karlmannsins paradís.

128. Lausavísa:

Lömb í haga leika sjer

lifna blóm í dölum

hátíð búin okkur er

inst í fjalla sölum.

129. Litlu lömbin leika sjer

ljóst um grænan haga,

þegar þau sjá að ekki er

úlfurinn þeim til baga.

130. Eitthverju sinni fóru fram kapphlaup fyrir vestan hjet annar beljakinn Skafti. Páll Ól. var þarna viðstaddur og var spurður hvernig hafi gengið til hann kvað:

Hvað er í frjettum? Skafti skall,

enn skall þó ekki á grúfu.

Það var mikið feiknarfall

hann flatti út stærðar þúfu.

131. Þetta er haft eftir Einari Sæmundsen:

Nú á jeg konu,nú á jeg strák

nú á jeg belju.

Þetta er alt í þarfir landsins

þetta er auður skógarmannsins.

132. Þorsteinn Erlingsson, segir:

Það er líkt og ylur í

ómi sumra braga,

mjer hefur hlýnað mest á því

marga kalda daga.

133. Eftir Bjarna Thorarensen:

Ekki er holt að hafa ból

hefðar upp á jökultindi,

af því þar er ekkert skjól

upp fyrir frosti, snjó nje vindi.

134. Einar Benediktsson, segir:

Leið er hál um urð og ál

uppi er stál við fætur bál

dult finst tál og dyrt finst þrjál

dygg skal sál og fast skal mál.

135. Matthías Jochumaaon segir:

Frú því á táp þitt og fjör

og frú því á sigur hins góða

ilskunnar stoltasta  stál

stenst ekki kærleikans egg.

136. Sami segir:

Hræðslu síst þótt heljar skaft

hrynji á flugum árum,

vakir lífsins eilíft afl

undir djúpum bárum.

137. Hjálmar Jónsson (Bólu Hjálmar)kveður svo:

Víða til þess vott jeg fann,

þótt venjist tíðar hinn

að guð á margan gimstein þann

er glóir í mannsorpinn.

-------------

Þetta læt ég duga núna. Held áfram næst þegar ég verð í sturði!!

 

 

 

 

 

 

 

 

 

Gamlar vísur nr. 11

112. Stika mása stori klás

stolin svásum vonum.

Ryðst á básin rauði ás

rænir krás frá honum.

113. Það vildi jeg væri komin kvurt

kannske eitthvað langt í burt.

Vantaði hvorki vott né þurt

svo væri aldrei til mín spurt.

114. Yfir kaldan Eyði-sand

einn um nótt jeg sveima.

Nú er horfið Norðurland

nú á jeg hvergi heima.

115. Nú er mjer á kinnum kalt

kuldinn bítur auði,

ekki finn jeg fje mitt alt

fjóra vartar sauði.

116. Löngum var jeg læknir minn,

lögfræðingur, prestur,

smiður, kongur, kennari,

kerra, plógur, hestur.

117. Undir væng í kletta kví

krummi nefi stingur.

Fossaniður eyrum í

allan dagin syngur. 

118. Mín er orðin veikuð von

vonin sem er dáin.

Því að Náhrafn Náhrafnsson

nöldrar við feiðar skjáin.

119. Einu sinni þá Guðm.Isleifsson sat á kamri sínum þá höfðu eitthverjir krakkar hent stein á kamarrúðuna og brotið hana. Fjellu þá glerbrot á Guðm. svo blæddi úr honum. Þá kvað Einar E. Sæmundsen:

Nálægt Regin mæta mjer

margir svívirðingar,

gefist vestar hafa hjer

holdsins glerneglingar.

120. Í nefið taka nú er mál

menn ei vaka lengur

heldur slaka hef jeg sál

hún til baka gengur.

121. Einar Sæm. bað mann um að botna vísupart þennan:

Burtu flæmist friðurinn

fyrða tæmist gaman.

Maðurinn svaraði:

Einar Sæm og Andskotinn

eru að klæmast saman.

---------------

Næst kemur Símon Dalaskáld við sögu ættinga mína og ýmislegt fleirra.

 

 

 

 

Gamlar vísur nr. 10

Jæja þá ætla ég að byrja á "seinni hálfleik".

100. Eiga vildi jeg Erlend prest

yfirsæng og kodda.

Væna kú og vakran hest

og vera frú í Odda.

101. Þorsteinn Gíslason, kveður svo við koppin sinn:

Þú er fríður breiður blár

og bjartar lyndir þinnar.

Þú ert víður heiður hár

sem hjartans óskir minnar.

102. Þessi vísa er eftir sama.(Eða Stgr.Th.)

Vor er indæl jeg það veit

óskar kveður raustin,

ekkert fegra á fold jeg leit

en fagurt kveld á haustin.

103. Maður sem kallaður var "Gosi" og átti heima fyrir norðan eignaðist einu sinni tvíbura þá var sagt:

Gosi átti Gosa von

með Gosu móðir.

En svo kom Gosi Gosason

og Gosa bróðir.

104. Lausavísur:

Jarpur skeiðar fljótur frár

finnur reiðar ljónið.

Snarpur leiðar gjótur gjár

glimur breiða frónið.

105. Fallegan fótin Skjóni ber

framan eftir hlíðunum

af góðum var hann gefin mjer

gaman er að ríða honum.

106. Á Eyrarb.voru smíðaðir 2 "motorbátar" og sama dag og þeir voru á sjó settir gifti sig maður að nafni Símon á Gamla-Hrauni. Þá kvað Guðm.Bóksali Guðmundsson:

Sama dag og Simba gaf

Sjera Gísli meyju.

Eyrbekkingar íttu á haf

Öðlingi og Freyju.

107. Og þessa líka:

Eru komin út á lón

yngissveinn og meyja.

Una þar sem egtu hjón 

Öðlingur og Feyja.

108. Sigurður Breiðfjörð kveður þannig:

Ástin hefur hýra brá 

en hendur sundur leitar.

Ein er mjúk en önnur sár

en þó báðar heitar.

109. R vísa:

Argur borar ungur urg

argur kargur meðan sarg.

Færar lurgur fjargur durg

fargast margur garðs við starg.

110. Maður fjell af hestbaki hann kvað:

Ég hlaut að stauta blauta braut

skrikkjótt nokkuð gekk.

Hún þaut og hnaut í laut

hnikk með rikk í skrokkin laut fjekk.

111. Einu sinni voru veitt verðlaun fyrir að botna vísnpart þennan:(Ólafur Briem)

Er til grafar komu kurl 

kappar landsins átu snarl.

Svarið var. Eftir þúsund ára nurl

ægði þeim að launa jarl.

-----------------------

Komið núna.

 

Gamlar vísur nr. 9

87. Mikið er jeg minni enn guð

máski það geri syndin.

Á átta dögum alsköpuð

er nú kirkju grindin.

88. Akunn gála. (Sigfús snikkari)

Eg er ei nema skaft og skott

skrautlega búin stundum.

Engri skepnum geri gott

geng í lið með hundum.

89. Það því veldur að jeg er

einn í nótt að sveima,

(heiptar)eiddi mjer

að jeg dveldi heima.

90. Þessi vísa er eftir Freistein Gunnarsson.

Samviska ber merki þess

sem maður hefur gjört.

Mín var áður móalótt

en mína er hún svört.

(P J)

91. Aldrei skaltu rjúpur elta

upp um heiðar.

Heima eru götur greiðar

og gott að fara á lóm-veiðar.

92. Margur sá er dansar dátt

um dimmar nætur.

Daginn eftir dapur grætur

og dregist með ólund seinast á fætur.

93. Einhverju sinni kom út kvæði eða bragur undir dulnefni og ætluðu margir að væri eftir Grím Tomsen. Það kvað Páll Ólafsson:

Ekki er þetta eftir Grím

eða hvernig spirðu.

Það er miklu míkra rím

en meistaraljóðin stirðu.

94. Guðm.Pjetursson orti vísu þessa til Guðm.Arons:

Aron sjútir ódaun hlands

orðin tík af vífni manns,

úr eidurdreggjum illa Brands

óska maður Suðurlands.

95. Lausavísur:

Ekkert framar eikur mjer

yndislegar stundir.

En lesa Þorstein ljóðakver (=Erlingssonar)

og bíða Svönu um grundir. 

96. Guðmundur með glerhattinn

gengur fyrir kapmanninn,

rífur sundur reikninginn 

(rækals)ljóti (þrasararinn).

97. Þessi er eftir Pál Ólafsson:

Illa fengin auður þinn

áður en líkur nösum.

Aftur týnir Andskotinn

upp úr þínum vösum.

98. Lausavísur:

Þó að stundum svíði sár

og svelli kapp í blóði,

verður sjerhvert æfi ár

eign í sparisjóði. 

99. Gott er að eiga gæðin flest,

góða jörð og sauðfje mest,

góða konu og góðan prest 

góða kú og vænan hest

-------

Næst byrja ég á vísu nr. 100