Óljóð dagsins nr. 10

Sjötta daginn desember

drengurinn er fæddur.

Ó já, nú er stór dagur og þess vegna hef ég tekið þá ákvörðun að hvíla óljóðin mín í bili og byrja hugsanlega aftur á næsta ári en það kemur bara í ljós. Ég ætla að enda þetta "með látum" og setja inn góðan slatta af óljóðum í kveðjuskyni.

Óhöpp:

Verða ekki flest slys

af slysni?

Stórt er spurt:

Ætli endurkoma

geti komið

fyrir tíman?

Aftur er stórt spurt:

Hvað verður um hjálpartæki

sem enginn þarf að nota?

Enn er stórt spurt:

Ætli fólki verði mál

á málþingi?

Og enn og aftur:

Ætli villidýr

séu alltaf á villigötum?

Og meira:

Ætli stakir jakkar

séu einmanna?

Og enn meira:

Hvað ætli gömul hetja

sé gömul?

Meira:

Ætli lágmarksverð

geti náð hámarki?

Áróður:

Stoppum unglingadrykkju

og dettum svo í það!

Hreinlæti:

Ætli skúringakonan sé

góð í golfi?

Svo þetta:

Hvaða visku

hefur viskustykki?

Sjálfvirkni:

Hver vekur

hanann?

Ljós í myrkri:

Hvenær notar maður

vasaljós til þess að

lýsa upp vasa?

Ó nei:

Skyldu spé hræddir menn

fá spékoppa?

Framtíð:

Ætli gervihnöttur

sé úr gerviefni?

Úti og inni:

Ætli það sé hægt

að tjalda

gluggatjöldum?

Botnlaust:

Ætli kafari

komist í botn

í því sem hann er að gera?

Engin sörvis:

Hvað ætli heyrist

inni í flugvél

sem fer hraðar en hljóðið?

Amen:

Skyldu prestar

leggjast í

helgan stein?

Partí:

Ætli selir

séu alltaf

í selskapi?

Doktor:

Ætli maður fái

verki

að því að taka inn

verkja pillur?

Gott lag:

"Let it be"

sungu Bítlarnir

ætli þeir hafi haft

óljóðin mín

í huga?

Óvissa:

Eitt er víst

að það er ekkert víst

víst!

Trú:

Ætli krossfiskar

séu trúaðir.

Endir:

The end.

 

 

 

Óljóð dagsins nr. 9

Flótti:

Íkorninn hljóp og hljóp

inn í skóginn frá menningunni

og var étinn

af úlfi.

Rugl:

Einu sinni er allt fyrst

hvað annað er hægt?

Móðan mikla:

Það virðast allir

vera sammála um

að það bíði betra

líf hinum meginn.

Eftir hverju eru

þá allir að bíða og kvíða?

Flókið:

Ímyndaðu þér heiminn

eins og þú vilt hafa hann.

Verður þú þá vinsæll eða

óvinsæll?

Takmörk:

Stóri feiti ljóti vondi

og bólugrafni kallinn kom.

Vá, ekki meira takk.

Eins og hugur manns:

Ef manni dettur ekkert í hug

er maður þá hugleysingi?

Dansleikur:

Diskódrottningin átti kvöldið

karlmennirnir slefuðu.

Diskódrottningin fór að sofa

karlmennirnir héldu áfram að slefa.

Taugastríð:

Mikið fer það í pirrurnar

á mér

hvað margir

eru pirraðir.

Reglusemi:

Skyldi reglustrikan

vera reglusöm?

Eitt spurningamerki:

?

 

 

 

Óljóð dagsins nr. 8

Laun og kjör:

Ef til væri brú

sem jafnaði bilið

á milli fátækra og ríkra

þá þyrfti hún bara að vera mjó

það yrði einstefna.

En hver skyldi byggja slíka brú?

Ekki þeir fátæku

þeir hefðu ekki efni á því.

Ekki þeir ríku

þeir þyrftu ekki á henni að halda

þess vegna er slík brú ekki til.

Og þess vegna er bil

á milli fátækra og ríkra.

Gaman gaman:

Ég elska mánaðarmót

þá man fjölskyldan að

ég er til!

Óhljóð:

Ég heyri aldrei

þegar

nóttin skellur á.

Blikk:

Tekur stefnuljósið

alltaf rétta stefnu?

Frelsi:

Englahár er eins og gull

í hendi fátæklings.

Vinna:

Ætli höggormur

geti stundað skógarhögg?

 

 

Óljóð dagsins nr. 7

Verðbólga:

Ómúraði veggurinn

hlustaði á hækkanir

á sementi í útvarpinu

og hugsaði: Hvers á

ég að gjalda.

Maís:

Skyldu hænum

ekki langa í popkorn?

Húsaskjól:

Ætli kirkjurottan

sé trúuð?

Ekkert húsaskjól:

Ætli eyðurmerkurottunni

sé heitt?

Hreinlæti:

Hvers á klósettpappírinn

að gjalda?

Skrítið:

Ef þögnin er best

afhverju

er þá svona

mikill hávaði?

 

 

 

Óljóð dagsins nr. 6

Gjald-dagi:

Gíróseðillinn

datt inn um lúguna

hann vildi komast út

því hann vissi

að hann boðaði

óhamingju.

Góður grínisti:

Kerlingin hló þar til hún dó.

Hverning var brandarinn?

Gamalt og nýtt:

Gamla konan

hugsaði um gamla tíman.

Hún setti videóspólu

í vídeóið og grét.

Tóm tjara:

Þú sýgur og sýgur

tjöruna í lungun

og þér líður vel

af því þú sérð ekki lungun.

Alsherjar lausn:

Ef þú veist svör heimsins

feldu þig þá vel.

 

 

 

Óljóð dagsins nr. 5

Vonin sem brágst:

Skjalataskan átti vonir

eigandinn líka

það ríkti hamingja og vonir

svo kom skatturinn

og tók skjalatöskuna

og eigandan.

Yfirvinna:

Ef sálin er eilíf

þá hljóta sálfræðingar

að vinna að eilífu

og vinna yfirvinnu.

Viska:

Skyldi sá sem ekkert veit

vita að því?

Aldur:

Allir sem voru gamlir í gamla daga

eru dauðir í dag.

Hvað ert þú gamall?

Nám:

Hvað ætli það taki

langan tíma

að læra á skyndinámskeiði?

 

Óljóð dagsins nr. 4

Gengislækkun:

Krónan fékk kransæðastíflu

og liggiur nú á gjörgæsludeild

10 eyringurinn

andaðist um svipað leiti

og verður jarðsettur

við hliðina á 5 eyringnum

sem varð bráðkvaddur

fyrir ári síðan.

Seðlabankastjórinn hraðaði sér

í laxveiði.

Óvissa:

Rúgbrauðið veit

ekkert að því

að menn

reka við.

Dýrtíð:

Ef þú eyðir

um efni fram

fer þér þá

aftur eða fram?

Óljóð nr. 3

Hamingja:

Bóndinn mokar flórinn

honum líður vel

Bílstjórinn á Miklubrautinni

reynir að komast yfir á gulu ljósi og tekst það

honum líður vel.

Martröð:

Náttfötin fóru að sofa

eigandinn vakti.

Draumórar:

Hefur þú einhvern tíman sofið út?

Er hægt að sofa inn?

Minning:

Ég man gamla góða daga

hvað verður dagurinn í dag?

Óljóð dagsins nr. 2

Sveitó:

Lítið borgarbarn

var sent í sveit

lítið borgarbarn

fann fjósalykt

lítið borgarbarn

sá hænur og hana

lítið borgarbarn

lék sér við lömb

lítið borgabarn

hamaðist í heyi

lítið borgarbarn

fann frið

lítið borgarbarn

fékk kúltúrsjokk

og flúði heim.

Undur:

Er það ekki skrítið

hvað margt er skrítið.

Sólsetur:

Sólin sest niður

en ég hef aldrei séð stólinn.

 

Óljóð dagsins.

Fann kassa með "óljóðum" sem ég setti saman fyrir ca. 30 árum. Þar sem ég reikna ekki með að þessi óljóð mín verði nokkurn tíman gefin út þá datt mér í hug að birta nokkur óljóð á hverjum degi undir nafninu: Óljóð dagsins!! Afturför:

Litli og stóri voru skemmtilegir og skemmtu fólki.

Í dag vilja allir vera stórir en eru litlir og skemmta engum.

Asnalegt:

Asninn er auðþekktur af eyrunum

á hverju þekkist þú?

Takki:

Skrítið með slökkvara

þeir kveikja líka!