Góður Guðmundur

Guðmundur Gunnarsson formaður Rafiðnaðarsambands Íslands fór mikinn í seinni fréttatíma á RÚV 9/2. Þar sagði hann meðal annars: Að LÍÚ og SA vildu verkfall svo þeir geti staðið glottandi á hliðarlínunni og sagt við ríkisstjórnina að annað hvort semjið þið við okkur um kvótann eins og við viljum (ásættanlegt fyrir okkur) ef þið gerið það ekki þá verður bara áfram allt í verkföllum hérna. Og Guðmundur heldur áfram og segist vera búinn að vera viðloðinn kjarasamninga í ein 30 ár en þetta sé ógeðfeldasti leikur sem hann hafi séð og þetta sé hreint út sagt glæpamennska gagnvart almennu launafólki. Já, þar höfum við það. Líú enn og aftur vilja þeir stjórna öllu í þessu landi og nú með hjálp SA. Vonandi tekst Guðmundi og hans félögum að stöðva yfirgang LíÚ og SA.

Örn Árnason fór á kostum.

Seinasta atriði í Spaugstofunni síðasta laugardagskvöld var hreint út sagt frábært. Þar lék Örn Árnason handboltaáhugamann sem gjörbreytist í hita leiksins. Pálmi Gestsson (sem Jón Ársæll) fer að hitta þenna sérkennilega dreng og kynna sér málið. Þetta atriði ættu þeir Spaugstofumenn að leyfa öllum landsmönnum að sjá og þó víðar væri. Grín og leikur gerist bara ekki betra en þetta. Ég segi bara: Þakka þér fyrir Örn Árnason.

Icesave

Alveg er það merkilegt að það fólk sem stjórnar landinu og á að hugsa um hagsmuni þjóðar sinnar, er áfjáð að borga skuldir einkafyrirtækis sem rekið var af fjárglæframönnum og sumir segja jafnvel stjórnað af fjárglæpamönnum.

Er þetta lausnin?

Af hverju er konunni á Indlandi (staðgöngumóður) og manni hennar ekki boðið til Íslands ásamt barninu sem allt snýst um? Varla er það ólöglegt. Svo fara indversku hjónin aftur til Indlands en skilja barnið eftir á Íslandi hjá foreldrum sínum. Einfalt og ekkert stjórnsýslupex.

Ný launastefna.

Mikið held ég að það sé gaman að geta tekið sér laun. Eftir fréttum að dæma virðist sem starfsmenn í slitastjórnum taki sér laun eftir eigin geðþótta. Steinunn Guðbjartsdóttir tók sér 63 milljónir í árslaun 2010, Ólafur Garðarsson tók sér 53 milljónir og 12 aðrir starfsmenn tóku sér samtals 460 milljónir í árslaun segir í fréttum. Hver er viðsemjandinn sem er svona góður? Hann hlýtur að vera vinsæll. Ég hefði kosið hann mann ársins 2010 og mælt með honum sem næsta forseta ASÍ bara ef ég vissi hver þessi maður er.

Brandarakarlinn

Össur Skarphéðinsson segir eftir fund VG sé búið að hreinsa loftið og allir 35 þingmennirnir í stjórninni starfi eftir dýpstu sannfæringu sinni og hafi allir hreina samvisku gagnvart stjórnarskránni og að Ásmundur Einar hafi misskilið ESB ferlið. Já, Össur er engum líkur.

Pálmi í Fons

Nú er Pálmi eigandi Iceland Express búinn að kæra Svavar Halldórsson fréttamann hjá RÚV vegna frétta Svavars um hugsanleg vafasöm viðskipti milli Pálma og Jóns Ásgeirs. Nú er að fara af stað þátturinn Gettu Betur í sjónvarpinu. Spurningin er hvort Pálmi gefi sigurvegurum frímiða með Express eins og hann gerði þegar þátturinn Útsvar var seinast. (En Vilhjálmur Bjarnason neitaði að þiggja vinninginn þar sem hann kom frá Pálma). Og stóra spurningin er hvort RÚV ætlar að þiggja frímiða frá Pálma eina ferðina enn?

Jólasaga. Jósep frá Nasaret.

 Jósep frá Nasaret er fyrir mér afskaplega áhugaverður maður. Ætla ég að útskýra það hér og nú. Hann bjó í Nasaret sem virðist hafa verið mjög afskeftur staður og stundaði þar trésmíði og bjó þar með heitmey sinni Maríu. Þegar boð kom frá "Ágústus" keisara um að skrásetja skyldi alla heimsbyggðina, þá var það ekki hægt í Nasaret heldur þurfti fólkið í Nasaret að fara til Betlemhem. (Þessi "Ágústur"hlýtur að hafa verið með mikilsmennsku brjálæði að ætla öllum jarðabúum að skrásetja sig. Ég spyr: Vissu Afríku þjóðir, frumbyggjar Ástralíu, Kínverjar og Japanir svo dæmi sé tekið að þessari skrásetningu?) En hvað með það. Allir íbúar í Nasaret fóru með Úlfaldalestinni nema reykingafólkið sem tók Camellestina. En Jósep átti greinilega ekki fyrir farinu og bauð Maríu að ríða á asna. Við megum ekki gleyma því að Jósep var smiður og það var búið að finna upp hjólið á þessum tíma. Af hverju í ósköpunum smíðaði hann ekki vagn og lét fyrir asnann. Var Jósep kannski bara lásasmiður!! En María þurfti að fara alla leið til Betlehem á asnanum og Jósep labbaði með. Þegar þau komu loksins til Betlehem þá var að sjálfsögðu allt gistirými löngu uppbókað enda Úlfalda og Camellestirnar löngu komnar á staðinn. Eini staðurinn sem var laus var fjárhús sem var að sjálfsögðu bara ætlað dýrum. En Jósep dó þó ekki ráðalaus og fékk bás fyrir asnann sinn. Og þegar umsjónarmaður fjárhúsins varð brátt í brók þá læddust þau María inn í básinn til asnans. Nú spyr ég: Af hverju fór Jósep ekki með Maríu sína á fæðingardeildinna? Jú, svarið hlýtur að vera að hann hafði ekki hugmynd um að María væri þunguð. Enda hvaða heilvita maður léti heitmey sína hossast dagleið sitjandi á asna kasóletta? Enda hafði Jósep aldrei gert neitt do do með Maríu. Ætli karlinn hafi verið getulaus og þess vegna verið tilvalinn í þetta job. En um þessa nótt verður María léttari enda hvernig á annað að vera, búinn að hossast á asna í tæpan sólarhring. Og þegar barnið kom þá vissi Jósep ekkert hvað hann átti að gera enda grunlaus um þungun Maríu. Fjárhirðirinn brást þó rétt við og lét vita hvað hafði gerst í fjárhúsinu, en Jósep leit hann hornauga og hélt að hann væri kannski faðir barnsins. Nú komu þrír menn sem voru bæjarstarfsmenn. En í þá daga voru bara valdir vinir bæjarstjórans í embættum og voru þeir yfirleitt kallaðir gáfumenn til að fegra klíkuskapinn og var orðið vitringar líka notað. Sá fyrsti, sem hét Baltasar var frá landbúnaðarráði og spurði Jósep mikið um asnann og vildi vita hvort Jósep ætti hann. Sá næsti hét Kormákur kom frá félagsmálaráði og vildi vita allt um hagi þeirra og hvort þau gætu yfirleitt alið upp barn jafn fátæk og þau voru. Var nú Jósepi orðið ansi heitt í hamsi ekki bara út af öllum þessum spurningum heldur var hann líka alveg gáttaður og ráðvilltur út af barnsfæðingunni. Sá þriðji í röðinni hét Samper og kom frá kirkjumálaráði og benti Jósepi á að þar sem þau væru ekki búin að skrásetja sig þá gætu þau líka skrásett nýfædda barnið í leiðinni og þau þyrftu þá að skýra barnið á staðnum svo það væri hægt. Nú var byrjað að rjúka úr höfði Jóseps. Álagið á hann var orðið allt of mikið svo hann hrópaði: Jesus Krist (ætlaði svo að segja, látið okkur í friði) en hann komst ekki lengra því maðurinn frá kirkjumálaráði greip þarna inn í og sagði: Gott mál, drengurinn skal þá heita Jesús Kristur og munið svo að skrásetja hann líka á morgun. Svo fóru vitringarnir þrír en María átt eftir að svara mörgum spurningum Jóseps.   

Kína

Ég sá í fréttunum áðan að Ólafur forseti og frú eru stödd í Kína. Vona að þau heimsæki íslensku lakkrísgerðina sem átti að sigra heiminn og mikið húllumhæ var þegar hún var opnuð á sínum tíma. En þarna voru íslendingar í útrás með íslenskt hugvit. Hefur einhver fréttamaður kannað hvað varð um þessa verksmiðju?

LÍÚ

Til hamingju LÍÚ. Nú hafið þið sannað mátt ykkar og tekist að snúa "hreinni og tærri" vinstristjórn á ykkar band.