27.2.2020 | 13:04
Gamlar vísur nr. 10
Jæja þá ætla ég að byrja á "seinni hálfleik".
100. Eiga vildi jeg Erlend prest
yfirsæng og kodda.
Væna kú og vakran hest
og vera frú í Odda.
101. Þorsteinn Gíslason, kveður svo við koppin sinn:
Þú er fríður breiður blár
og bjartar lyndir þinnar.
Þú ert víður heiður hár
sem hjartans óskir minnar.
102. Þessi vísa er eftir sama.(Eða Stgr.Th.)
Vor er indæl jeg það veit
óskar kveður raustin,
ekkert fegra á fold jeg leit
en fagurt kveld á haustin.
103. Maður sem kallaður var "Gosi" og átti heima fyrir norðan eignaðist einu sinni tvíbura þá var sagt:
Gosi átti Gosa von
með Gosu móðir.
En svo kom Gosi Gosason
og Gosa bróðir.
104. Lausavísur:
Jarpur skeiðar fljótur frár
finnur reiðar ljónið.
Snarpur leiðar gjótur gjár
glimur breiða frónið.
105. Fallegan fótin Skjóni ber
framan eftir hlíðunum
af góðum var hann gefin mjer
gaman er að ríða honum.
106. Á Eyrarb.voru smíðaðir 2 "motorbátar" og sama dag og þeir voru á sjó settir gifti sig maður að nafni Símon á Gamla-Hrauni. Þá kvað Guðm.Bóksali Guðmundsson:
Sama dag og Simba gaf
Sjera Gísli meyju.
Eyrbekkingar íttu á haf
Öðlingi og Freyju.
107. Og þessa líka:
Eru komin út á lón
yngissveinn og meyja.
Una þar sem egtu hjón
Öðlingur og Feyja.
108. Sigurður Breiðfjörð kveður þannig:
Ástin hefur hýra brá
en hendur sundur leitar.
Ein er mjúk en önnur sár
en þó báðar heitar.
109. R vísa:
Argur borar ungur urg
argur kargur meðan sarg.
Færar lurgur fjargur durg
fargast margur garðs við starg.
110. Maður fjell af hestbaki hann kvað:
Ég hlaut að stauta blauta braut
skrikkjótt nokkuð gekk.
Hún þaut og hnaut í laut
hnikk með rikk í skrokkin laut fjekk.
111. Einu sinni voru veitt verðlaun fyrir að botna vísnpart þennan:(Ólafur Briem)
Er til grafar komu kurl
kappar landsins átu snarl.
Svarið var. Eftir þúsund ára nurl
ægði þeim að launa jarl.
-----------------------
Komið núna.
Bloggar | Slóð | Facebook | Athugasemdir (1)
22.2.2020 | 20:45
Gamlar vísur nr. 9
87. Mikið er jeg minni enn guð
máski það geri syndin.
Á átta dögum alsköpuð
er nú kirkju grindin.
88. Akunn gála. (Sigfús snikkari)
Eg er ei nema skaft og skott
skrautlega búin stundum.
Engri skepnum geri gott
geng í lið með hundum.
89. Það því veldur að jeg er
einn í nótt að sveima,
(heiptar)eiddi mjer
að jeg dveldi heima.
90. Þessi vísa er eftir Freistein Gunnarsson.
Samviska ber merki þess
sem maður hefur gjört.
Mín var áður móalótt
en mína er hún svört.
(P J)
91. Aldrei skaltu rjúpur elta
upp um heiðar.
Heima eru götur greiðar
og gott að fara á lóm-veiðar.
92. Margur sá er dansar dátt
um dimmar nætur.
Daginn eftir dapur grætur
og dregist með ólund seinast á fætur.
93. Einhverju sinni kom út kvæði eða bragur undir dulnefni og ætluðu margir að væri eftir Grím Tomsen. Það kvað Páll Ólafsson:
Ekki er þetta eftir Grím
eða hvernig spirðu.
Það er miklu míkra rím
en meistaraljóðin stirðu.
94. Guðm.Pjetursson orti vísu þessa til Guðm.Arons:
Aron sjútir ódaun hlands
orðin tík af vífni manns,
úr eidurdreggjum illa Brands
óska maður Suðurlands.
95. Lausavísur:
Ekkert framar eikur mjer
yndislegar stundir.
En lesa Þorstein ljóðakver (=Erlingssonar)
og bíða Svönu um grundir.
96. Guðmundur með glerhattinn
gengur fyrir kapmanninn,
rífur sundur reikninginn
(rækals)ljóti (þrasararinn).
97. Þessi er eftir Pál Ólafsson:
Illa fengin auður þinn
áður en líkur nösum.
Aftur týnir Andskotinn
upp úr þínum vösum.
98. Lausavísur:
Þó að stundum svíði sár
og svelli kapp í blóði,
verður sjerhvert æfi ár
eign í sparisjóði.
99. Gott er að eiga gæðin flest,
góða jörð og sauðfje mest,
góða konu og góðan prest
góða kú og vænan hest
-------
Næst byrja ég á vísu nr. 100
Bloggar | Slóð | Facebook | Athugasemdir (0)
17.2.2020 | 15:30
Gamlar vísur nr. 8
76. Ekki veit jeg eftir hvern hestavísa þessi er. (Páll Guðmundsson):
Sjeð hef jeg Apal fáka fremst
frísa gepa yða.
Ef að skapið í hann kemst
er sem hrapi skriða.
77. Maður nokkur sem var þunglyndur orti þessa um veröldina:
Leiðist mjer heimsins lasta brellur
leiðist mjer heimi að lifa í
lífið er eintómt smellirí.
78. Vísa þessi var ort í mollu veðri. (Jónas Hallgrímsson):
Veðrið er hvorki vott nje gott
varla kalt og ekki heitt.
Það er hvorki þurt nje vott
þar er svo sem ekki neitt.
79. Einar E. Sæmundsen, orti vísu þessa dag nokkurn og skrifaði hana á kamardyr í "Heklu" sem æfinlega stóð upp á víða gátt:
Inn um þessar opnu dyr
allir meiga líta.
Verið hingað velkomnir
sem viljið fá að skíta.
80. Ekki veit jeg um höfund að þessari vísu:
Ingibjörg er aftanbrött
en örmjó framan.
Skildi ekki meiga skera hana sundur
og skeita saman.
81. Kapphlaup höfðu verið háð á íþróttavellinum í Reykjavík og þar um ort þessi vísa:
Hundskinsrófa og haframjel
hlupu í einum spretti,
gjarðarjárn af gömlum sel
og gleraugu af ketti.
81. (aftur 81 innsk. Sig. I. B. Guðm.)
Kristinn Jónsson Í Winnipig orti vísu þessa ekki veit jeg um aðdrifin að henni:
Alt er hirt og alt er birt
ekkert hlje á leirburði.
Kveður (mi..) stundum stirt
Stefan G. í (Kringlumasi)
82. Vísa þessi er eftir sama:
Rjúfðu sunna sorta sky
sýn því kunnir skýna,
kystu á munnin hlyr og hly
hana Gunnu mína.
83. Vísur þessar eru eftir ókunna höfunda. (Guðm.bóksali Ebakka):
Nítján stiga nú er frost
mæðir krumma tetur.
Hlítur að bíða harðan kost
höðingin í vetur.
84. Hafði stút úr heilum hnút
hugði sút að stilla.
Sat í hnút og saup á kút
synda príkan illa.
85. Þó slípist hestur, slitni gjörð
(slettunni) ekki kvíddu.
Hugsaði hvorki um himin nje jörð
haltu þjer fast og ríddu.
86. Það má segja um þennan mann
það er spiltur sonur.
Upp að mitti elskar hann
allar vinnukonur.
Bloggar | Slóð | Facebook | Athugasemdir (1)
14.2.2020 | 12:03
Gamlar vísur nr. 7
63. Um mann að nafni Pjetur orti hann:
Veit jeg Pjetur verri í bráð
virðist sómamaður,
en ef betur að er gáð
er hann góðhjartaður.
64. Gyðingur nokkur seldi hest þar fyrir vestan. Hesturinn var mjög slæmur af hrekkjum við skepnur og menn. Um hann kvað Kristinn:
Klárinn illa kristin var
uni kreddum skeitti ei Lúterskar
eðli sjált í æðum bar
eins og flestir Gyðingar.
65. Vísa þessi var ort í Ameríku? við þingkosningar,er hún um Englending? er bauð sig þar fram:
Stjórnarpingjan keirð var kring
að kaupa (óskingan) almenning
og senda á þing með sívirðing
sálarringan vesta hring.
66. Guðm. Pjetursson orti vísu þessa til Sveins járnsmiðs:
Gefur mörgum Sveinki sár
sínum bögum meður.
Kveður betur flestum frá
fannaslóðir treður.
67. Þessi vísa er eftir mann er bjó í Langholti í Hrunamannahreppi:
Minn þó Sokki brúki brokk
burt hann lokka trega.
Fram úr nokkrum fákar flokk
fer hann þokka lega.
68. Páll Ólafsson, kvað vísu þessa við mann er stóð úti og hjelt á börðum harðfiski í hendinni:
Á hlaðinu maður hreikin er
heimskur apla kálfur.
Heldur á því í hendi sjer
sem hann ætti að vera sjálfur.
69. Sami kveður svo um vetur:
Gluggar frjósa, gleri á
grefur rósu vetur
falda ljósu fjollin há
fátt sjer hrósa betur.
70. Vatnsendar-Rósa kveður þannig til manns:
Þó að kali heitur hver
hylji dali jökull ber,
steinar tali og alt hvað er
aldrei skal ég gleyma þjer.
71. Sama orti vísu þessa:
Man eg okkar fyrri fund
forn þó ástin rjeni.
Nú er eins og hundur hund
hitti á tófu greni.
72. Einar E. Sæmundssen, fór einu sinni að Kollaðarnesi ásamt fleiri ungum mönnum þá sagði hann:
Fröken Halla hjer fær snjalla drengi
til að sjalla og spauga við
sparar valla gamanið.
73. Drengur 12 ára misti föður sinn, var hann þá spurður að hvoru megin hann hjeldi að faðir sinn væri. Þá svarar snáði:
Í himnaríki er hópur stór
í helvíti er þó fleira.
Í hvorn staðin hann föður minn fór
það fáið þið seinna að heyra.
74. Einar Benidiksson hefur ort vísu þessa:
Falla tímans voldug verk
valla falleg baga.
Snjalla ríman stuðla sterk
stendur alla daga.
75. Eiríkur Einarsson, frá Hæli kveður svo:
Það endar verst sem birjar best
og byggt er í flestum vonum.
Svo er með prest og svikin hest
og sannast best á konum.
-------
Komið núna. Meira síðar.
Bloggar | Slóð | Facebook | Athugasemdir (0)
9.2.2020 | 15:41
Gamlar vísur nr. 6
50. Ef þú vildir vinur minn
vera Í nokkurri (þryði)
stundaðu allan aldur þinn
axarskafta smíði.
51. Andres Björnsson orti vísu þessa í fylliríi:
Það er fúlt á flöskunni
(fordjafaður) andskoti,
hentu henni ofan í helvíti
-hana taktu við henni.-
52. Konu úthýst í vondu veðri:
Orðið taka að úthýsa
er á baki þínu.
Aldrei rak jeg aumingja
undan þaki mínu.
53. Um Guðm. Pjetursson á Minna-Hofi á Rangárvöllum:
Gvendur þú er gæða skinn
þótt gáfurnar sjeu ei hjá þjer.
Það held jeg þekti hundssvipinn
þó hausinn væri ekki á þjer.
54. Af Eyjarsandi út í Vog
er það mældur vegur.
Átján þúsund ára tog
áttatíu og fjegur.
55. Jón Jónsson, frá Hvoli hagorður vel yrkir svo á einum stað:
Síst mitt raskast sinnist far
svona í fljótu hasti.
Þó að andans aumingjar
á mig hnútum kasti.
56. Sami segir á öðrum stað:
Margt er vos um mannlegt svið
margt er tos á ímsa hlið
þó er los á sorgar sið
Siggi brosir öllum við.
57. Fyrst er sjón og svo er tal
svo kemur hlílegt auga.
Síðan ástar fagurt hjal
Freyju hefst við bauga.
58. Kristinn Jónsson í Winnipig yrkir svo um forest:
Einu var það svo undirmjór
og einskins virði.
Margur hissa horfi og spurði
"hvar er þessi drottin smurði."
59. Einu sinni var Kristinn rekin úr vinnu ásamt tveimur öðrum mönnum og þrír voru teknir í staðinn. Þá sagði Kristinn:
Góður, betri, bestur
burtu voru reknir.
Vondur, verri, vestur
voru aftur teknir.
60. Lesið hef jeg lærdómsstef
þó ljót sje skriftin.
Síst er að efa sannleiks kraftin
sælla er að gefa en þyggja á kjaftin.
61. Kristinn hafði vinnukonu er Anna hjet, sú fór frá honum og í staðinn fjekk hann aðra Önnu. Þá kvað hann:
Þungar má jeg þrautir kanna
á þessum vetri.
Nú er komin önnur Anna
ekki betri.
62. Og þessa líka:
Anna Daða dapurleg
og druslum vafin.
Engin maður eins og jeg
er "Önnum" kafin.
Læt þetta duga í dag.
Bloggar | Slóð | Facebook | Athugasemdir (2)
6.2.2020 | 17:13
Gamlar vísur nr. 5
38. Þura á Garði er lág vexti en ákaflega þrekin. Til hennar orti Þórólfur á Baldursheimi:
Stuttu (þriki) stúlkan ann
strikið margur (urta) kann.
En Þura á Garði þyrti mann
sem þrekari væri en jeg og hann.
39. Þar með var þankastriksvísunum lokið. Stúlka nokkur Norðlensk orti vísu þessa til karlmanns:
Þjóna myndi þankin minn
þótt hann væri freðinn.
Findi jeg ástarylin þinn
elskulegi Hjeðinn.
40. Drengur nokkur fór á bak ótemju, datt af baki og lá nokkra daga, þegar hann kom á fætur aftur var hann skammaður fyrir uppátektina af foreldrum sínum. Þá kvað hann:
Ekki fjekk jeg þekka þökk
þrikkja gekk ei hrekkja grikk.
Þá bikkjan,rikkjótt,skrikkjót,skökk,
á skokki og brokki stökk í hlikk.
41. Sami maður orti vísu þessa til að sjá hvað hann kæmi mörgum lum (ellum)í eina vísu:
Fellur mjöll á falla stall
fallvötn spillast gilin ill.
Í frelling öll olli fall
alloft skella svelli vill.
42. Einar E. Sæmundsson orti vísu þessa einusinni:
Skulfu hjallar skall hann á
skeiðið rjett við hjallan.
Þessi blettur muna má
margan sprettin snjallan.
43. Einu sinni voru þeir saman á ferðalagi, Gestur Einarsson frá Hæli Brynjólfur Jónsson frá Minna Núpi og Sig. Haraldsson frá Jötu í Hrunnahrepp. Þá segir Sigurður:
Meyja koss er mesta hnoss
Brynjólfur svarar=munarblossi fríður.
Gestur botnar.
Krossa tossi á eftir oss
einn á hrossi ríður.
43. (innskot) það eru tvær vísur nr. 43.
Þeir Brynjólfur og Gestur voru einu sinni staddir í Tryggvaskála sjer Gestur hvar Brynjólfur fer eftir ganginum á eftir kvenmanni er Bjarge var kölluð. Þá segir Gestur:
Ertu að geispa elskan mín
aftur við hana Björgu.
Þá segir Brynjólfur.
Það hlæir mig havð heimskan þín
hefur orð á mörgu.
44. Guðm. nokkur frá Laugadælum, kom seint um kvöld frá hjásetu var hann þá 8 ára. Bað hann kvenfólkið um mat en það mátti ekki vera að ansa honum. Hann segir þá:
Það skal vera æ mín yðja
ykkur stugga við.
Andskotan er betra að biðja
en bölvað kvenfólkið.
45. Lausavísur þær er hjer fara á eftir veit jeg ekki nein deili á:
Eg held í sælu himnarans
og hef þar litlar mætur,
ef að þar er enginn dans
og ekkert "rall" um nætur.
46. Um sjóinn.
Þú ert sagður sonur kær
þótt komin sjert til ára.
Unnusturnar eru þær
Alda, Hrönn og Bára.
47. Mjer hefur vinur góður gleimt
og gert mjer ílt í sinni.
Eftir hann er orðið reimt
inst í sálu minni.
48. Fyrirgefðu að fátt jeg tel
fyrst að aðrir heira.
Sagt er að okkur semji vel
og sumu er logið meira.
49. Til spaugsama stúlku:
Þura hefur hjörtu tvö
hægra og vinstra megin.
Ó,að þau væru orðin sjö
þá yrði margur fegin.
Komið nóg í dag.
Bloggar | Slóð | Facebook | Athugasemdir (0)
5.2.2020 | 17:07
Gamlar vísur 4
29. Kaupmaður nokkur var að selja konu og hana vantaði 1 eyrir í viðbót, þá sagði Gísli Ólafsson:
Einn þig vantar eyririnn
ekki er von þjer líki.
Sem ætlar að flytja auðin þinn
inn í himnaríki.
30. Við sama kaupmann sagði hann:
Þó þú berir fínni flík
og fleiri í vösum líkla,
okkar verður lestin lík
á lokadagsins mikla.
31. Honum sita utan á
ótal fitu dropar,
þrælum smita öllum á
annara svitadropar.
32. Stúlka kom í verslun í Hafnarfirði og keipti 10 dósir af sminki áður en hún fór í sveitina. Þá sagði viðstaddur maður:
Meyjan keipa meðalið
að megna fegurð líkhamans.
Hún er að reyna að hressa við
hrákasmíði skapaarans.
33. Einu sinni birtust vísur í "Iðunni" eftir Þuru á Garði. Þá varð Þuru að orði:
Nú er smátt um andans auð
allir verða að bjarga sjer.
"Iðun" gerist eplasnauð
etur hún stolin krækiber.
34. Einu sinni fóru nokkrir Norðlendingar í skemmtiför, þar á meðal var Þura á Garði. í hópnum var stúlka sem sagt var að væri að draga sig eftir litlum manni. Til hennar kvað Þura þessa vísu:
Æ, vert þú ekki að hugsa um hann,
heldur einhveru stærri mann,
það er svo mikið þankastrik
þetta litla stutta prik.
35. Helgi nokkur á Grænavatni var með í förinni og svaraði þessu:
Hví eg vildi velja hann
vildi ekki stærri mann.
Þankastrikið þeijir um sitt
þeiir líka um mitt og hitt.
36. Önnur Þura var með í ferðinni, var hún stór og stæðisleg til hennar orti Helgi vísu þessu:
Þura breiðir brjóstin á
blúndumöskva fína.
Þankastrik ei þangað ná
því hún er svo gríða há.
37. Einn samferðamaðurinn orti vísu þessa um þankastrikið:
Tvítugur þótti talið gilt
og feldu ekki lítin pilt.
En þrítugar munu þankastrik
þyggja fyrir utan hik.
komið núna. Meira síðar.
Bloggar | Slóð | Facebook | Athugasemdir (2)
4.2.2020 | 13:25
Gamlar vísur nr. 3
18. Gísli Ólafsson heitir hagyrðingur góður hann segir:
Meðan æfin endist mín
eg skal vera glaður,
elska hesta,vif og vín
og vera drykkjumaður.
19. Hesta rek jeg hart á stað
heim er frekust þráin.
Kvölda tekur kólanr að
Kári hrekur stráin.
20. Lífið fátt mjer ljær í hag
lúin þrátt jeg glími
koma máttu um miðjan dag
mikli hátta tími.
21. Andres Björnsson orti vísu þessa til Einars E. Sæmundssen:
Þitt mun ekki þyngjast geð
þótt að stitti dagin.
Haustið flytur meyjar með
myrkrinn inn í bæinn.
22. Einar E. Sæmundssen orti vísu þessa um sjálfan sig þegar hann gifti sig:
Skulfu af gleði skógartrjen
skárra var það standið
þegar Einar Sæmundssen
sigldi í hjónabandið.
23. Guðm. Guðmundsson, bóksali segir svo um lausavísunar:
Lausavísur liðugar
ljettar, nettar, sniðugar,
örfa kæti alstaðar
eins og heimasæturnar.
24. Ólöf Sigurðardóttir á Hlöðum er skáldkona mikil. Hún segir svo á einum stað:
Enn þá hafa örlögin
á mig smækkað belju klafa.
Skildi jeg aldrei skerfin minn
af skítverkunum unnið hafa.
25. Kristinn Jónsson, er ættaður frá Akureyri, á nú heima í Winnipeg er vel hagorður hann segir svo á einum stað:
Einlægt þú talar illa um mig
aftur jeg tala vel um þig.
En það besta af öllu er
að enginn trúir mjer njé þjer.
26. Þegar hann fluttist til Ameríku sagði hann:
Svo flúði jeg feðra grundu
mjer fanst það alt og þurt,
að leita fjár og frama
ég fullur silgdi á burt.
27. Guðm. Aron Guðbrandsson yrkir svo um lífið:
Lífið er brosandi laðandi þytt
lífið er þráður svo veikur,
lífið er gróandi laufunum þrytt
lífið er draumur og reykur.
28. Guðm. Pjetursson snjeri henni þannig fyrir Aron:
Lífið er brosandi laðandi þytt
lífið mjer fýsnina eikur
lífið er neftóbakslaufunum þrytt
lífið er vindlareykur.
Búið í dag.
Bloggar | Slóð | Facebook | Athugasemdir (2)
3.2.2020 | 15:17
Gamlar vísur nr. 2
8. Jón Árnason á Víðimýri segir svo:
Ærðugan jeg átti gang
yfir hann og klungur.
Einatt lá mjer fjall í fang
frá því var ungur.
9. Steingrímur Baldvinsson, frá Árbót í Þyngeyjarsýslu, (hálfbróðir Aðalst. Sigmundssonar, skólastjóra)
kvað svo um skartmikin kvennmann:
Rósagná og randalín
rauða, bláa, græna,
ljómar, gljáir, glitrar, skín,
gumar þrá að mæna.
10. Einar E. Sæmundsson, orti vísu þessa er Hr. Guðm. Ísleifsson ruddist inn á Símstöðina í filliríi.
Helga kona stöðvarstjórans var lengi veik á eftir:
Heimurinn geymir Helgu fall
og hefur það í minni.
Þegar roskinn Regins kall
rak við á símstöðinni.
11. Sami orti vísu þessa þegar Þorl. Guðmundsson bauð sig fram móti Sig. Sigurðssyni 1920?
Þorleifur í Þorlákshöfn
því meiga allir trúa,
kosningar í kaldri dröfn
kæfir Sigga Búa.
12. Sami orti vísu þessa:
Margur kátur maðurinn
og meyjan hneigð fyrir gaman.
En svo kemur helvítis heimurinn
og hneigslast á öllu saman.
13. Guðmundur Guðmundsson, bóksali orti vísur þessar þegar Kristján konungur X kom að Selfossi og fólk var að fara til að sjá hans hátign:
Þegar Kristján konungur
kemur hjer að Fossi.
Heilsa honum allar (hofrófur)
með handabandi og kossi.
14. Bændur, konur, börn og hjú
við bústað hvergi una
kófsveitt alt það keppist nú
á kóng og drotningunna.
15. Maður nokkur er Pjetur heitir, var á Skóla í Rvík, og gekki illa, þegar hann kom heim sendi vinur hans honum vísu þessa:
Hjarta tetur hætt þig setur
heimurinn hvetur námið letur
en ef þú getur góði Pjetur
þá gættu þín næsta vetur.
16. Þura í Garði orti vísu þessa um mann er Helgi heitir, hann hafði dottið ofan í gil en komst upp aftur:
Að slysum enginn gerir gys
Guðs er mikill kraftur.
Helgi fór til Helvítis
en honum skaut upp aftur.
17. Andres Björnsson, var hagorður vel. Einu sinni var hann á filliríi með Þorsteini Erlingssyni skáldi, og Þorsteinn hafð eiðilagt vísnbotn fyrir Andresi, og Andres svaraði þannig:
Drottins illur þrjóskur þræll
Þorsteinn snilli kjaftur.
Botnum spillir sagna=sæll
sóar fylli raftur.
Læt þetta duga í dag en held áfram síðar.
Bloggar | Slóð | Facebook | Athugasemdir (1)
2.2.2020 | 23:06
Gamlar vísur
Fann í dánarbúi föðurs míns gamlar bækur allar handskrifaðar og í einni þeirra var rúmlega 200 vísur. Hver skráði þessar vísur veit ég ekki en ætla að birta nokkrar vísur af og til en allar eru þær númerar. Stundum er erfitt að skilja skriftina en þá læt ég viðkomandi orð í sviga. Saga er á bak við hverja vísu. Vona að einhverjir hafi gaman að þessum vísum:
1. Jón Árnason á Þyngeyrum segir svo á einum stað:
Þó að öldur þjóti kífs
og (þraulafjöld) mjer bjóði,
móti göldrum glaumi lífs
geng jeg með köldu blóði.
2. Jón Árnason á Víðimýri segir svo:
Glatt er lyndi löngum ber
ljóst er synd að þola.
Það er yndi mesta mjer
mótgangsvind að þola.
3. Jón á Þyngeyrum Árnason orti vísur þessar:
Hugarglaður held jeg frá
húsum mammons vina.
Skulda frí og skelli á
skeið um veröldina.
4. Veröld svona veltir sjer
vafin dular fjöðrum,
hún var kona hverflund mjer
hvað sem hún reyndis öðrum.
5. Margar hallast mannorð hjer
misjamt spjallar lunga,
því að allir erfum vjer
Adams fallið þunga.
6. Kvennmaður sem kallaður er "Þura á Garði" orti vísu þessar um mann nokkurn er Bárður heitir. Bjó hann einn í kofa og var sagður Kvennhatari mikill:
Smíðað hefur Bárður bás
og býr þar sjálfur hjá sjer,
hefur til þess hengilás
að halda konum frá sjer.
7. Nokkru síðar spurðist að Bárður þessi átti barn í vonum. Þá sagði Þura:
Þrengist senn á Bárðar bás
bráðum fæðist drengur.
Hefur bilað hengilás
hespa eða kengur.
Læt þetta gott heita núna en set inn meira síðar.
Bloggar | Slóð | Facebook | Athugasemdir (2)